Burundi: Brig. Gen. Athanase Kararuza yishwe

Brig. Gen. Athanase Kararuza yishwe n'abantu bamuteze igico

Mu gitondo cyo kuri uyu wa mbere tariki ya 25 Mata 2016, abantu bataramenyekana bishe Brig. Gen. Athanase Kararuza, umugore we n’umusirikare umurinda.

Brig. Gen. Athanase Kararuza yiciwe mu gace atuyemo hitwa Gihosha, mu majyaruguru ya Bujumbura.  Bivugwa ko yaguye mu gico cy’abantu bitwaje intwaro bari bamuteze.

Brig. Gen. Kararuza yari umujyanama mu bya gisirikare wa Visi-Perezida wa mbere w’u Burundi, akaba n’umuyobozi wungirije w’ingabo zishinzwe kugarura amahoro muri Repubulika ya Centrafrique.

Bivugwa ko kandi yari mu nshuti zikomeye za Perezida w’u Burundi, Pierre Nkurunziza, dore ko ari no mu baburijemo umugambi wo kumuhirika ku butegetsi mu 2015.

Urupfu rwa Brig. Gen. Kararuza rwemejwe n’abayobozi bakomeye mu Burundi barimo ibiro bya Visi-Perezida wa mbere w’u Burundi banakoranaga.

Undi muyobozi wemeje aya makuru ni Willy Nyamitwe, Umujyanama mu bijyanye n’itangazamakuru n’itumanaho wa Perezida Pierre Nkurunziza, watangaje ayo makuru kuri Twitter.

Ibibazo by’umutekano muke bikomeje kwiyongera mu Burundi kuko ku Cyumweru, abantu bataramenyekana bateye igisasu ku modoka ya Minisitiri w’uburenganzira bwa muntu mu Burundi, Martin Nivyabandi, ubwo yari avuye mu Misa arikumwe n’umugore we, ku bw’amahirwe bararusimbuka.

Si ubwa mbere mu Burundi hicwa umusirikare mukuru –General- mu 2015 hishwe Gen Adolphe Nshimirimana, Col Adarius Ikurakure ndetse na Col. Jean Bikomagu barishwe.

Panorama

Brig. Gen. Athanase Kararuza yishwe n'abantu bamuteze igico
Brig. Gen. Athanase Kararuza yishwe n’abantu bamuteze igico

Gen Kararuza

8 Comments on Burundi: Brig. Gen. Athanase Kararuza yishwe

  1. It is actually a good and helpful piece of info. I am glad that you choose to shared this beneficial info with us. Please maintain us informed like this. Thank you for sharing.

Leave a Reply

Your email address will not be published.


*