Umunyarwanda mu bayoboye inama mpuzamahanga y’umurimo

Comrade Eric Manzi, Umunyamabanga Mukuru wa CESTRAR watorewe kuba Visi Perezida wa mbere mu bayoboye inama mpuzamahanga ku murimo ibera i Geneve, mu Busuwisi. Manzi ni umwe mu bagize itsinda ry’abakozi bari mu nama y’ubutegetsi y’Umuryango Mpuzamahanga wita ku murimo. (Photo/ILO)

Mu nama mpuzamahanga ya 105 y’umurimo irimo kubera mu Busuwisi, Eric Mwezi Manzi yatorewe kuba Visi Perezida wa mbere mu bayoboye iyo nama izamara iminsi cumi n’ibiri.

Inama mpuzamahanga y’umurimo ya 105 iteraniye i Geneve mu Busuwisi, yatoye abayiyobora, Eric Mwezi Manzi, Umunyamabanga Mukuru w’Urugaga rw’amasendika y’abakozi mu Rwanda (CESTRAR), atorerwa kuba Visi Perezida wa mbere mu bayoboye iyo nama, ariko akaba ahagarariye abakozi ku Isi.

Hatowe kandi Umuyobozi w’iyo nama, Madamu Mildred Oliphant, Minisitiri w’Umurimo muri Afurika y’Epfo. Hanatowe kandi abandi ba Visi Perezida barimo Ramón Alberto Morales Quijano, ukomoka muri Panama, uhagarariye za Guverinoma  na Alberto Echavarría, ukomoka muri Colombia, we akaba ahagarariye abakoresha.

Eric Mwezi Manzi, ni umwe mu bagize itsinda ry’abakozi bari mu nama y’ubutegetsi y’Umuryango Mpuzamahanga wita ku murimo.

Iyi nama yatangiye ku wa 30 Gicurasi izasoza imirimo yayo ku wa 10 Kamena 2016, yitabiriwe n’abantu bagera ku 5000 bahagariye za Guverinoma, Abakoresha n’Abakozi, baturutse mu bihugu 187 by’abanyamuryango b’Umuryango mpuzamahanga wita ku murimo.

Baraganira ku ngingo zinyuranye zirimo uruhererekane rw’isaranganya ry’ubukungu ku Isi, Umurimo unoze mu kazi karangwamo amahoro, Umutekano no gukumira Ibiza n’ingaruka z’inyandiko y’Umuryango mpuzamahanga wita ku murimo ku butabera bubereye abaturage mu isaranganyabukungu rikomatanije ku Isi.

Abitabiriye iyo nama kandi bazasuzumira hamwe amasezerano mpuzamahanga ku murimo wo mu mazi (Maritime Labour Convention 2006),  banarebe na raporo y’ubuyobozi bukuru igaragaza uko ubukene buhagaze ku Isi.

Umuyobozi Mukuru w’Umuryango mpuzamahanga wita ku murimo, Guy Ryder, mu gutangiza iyo nama yavuze ko icy’ingenzi atari ukureba ubusumbane, ihezwa ndetse n’amacakubiri ahubwo ari «ukureba ingaruka z’ibyo dukora, uko twitwara n’ibyemezo dufata.»

Yagarutse kandi ku muvuduko w’ikoranabuhanga ubu risa nk’aho riyoboye Isi, hagombye gufatwa iya mbere mu kurwanya ubusumbane, ihezwa ndetse n’amacakubiri.

Inama mpuzamahanga yita ku murimo iterana inshuro imwe buri mwaka, abayiyobora bagatorwa uko igiye gutangira.

anthers2020@gmail.com

Comrade Eric Manzi, Umunyamabanga Mukuru wa CESTRAR watorewe kuba Visi Perezida wa mbere mu bayoboye inama mpuzamahanga ku murimo ibera i Geneve, mu Busuwisi. Manzi ni umwe mu bagize itsinda ry’abakozi bari mu nama y’ubutegetsi y’Umuryango Mpuzamahanga wita ku murimo. (Photo/ILO)
Comrade Eric Mwezi Manzi, Umunyamabanga Mukuru wa CESTRAR watorewe kuba Visi Perezida wa mbere mu bayoboye inama mpuzamahanga ku murimo ibera i Geneve, mu Busuwisi. Manzi ni umwe mu bagize itsinda ry’abakozi bari mu nama y’ubutegetsi y’Umuryango Mpuzamahanga wita ku murimo. (Photo/ILO)
Umuyobozi Mukuru w’Umuryango mpuzamahanga wita ku murimo, Guy Ryder, ageza ijambo ku bitabiriye inama ya 105 ya ILO. (Photo/ILO)
Umuyobozi Mukuru w’Umuryango mpuzamahanga wita ku murimo, Guy Ryder, ageza ijambo ku bitabiriye inama ya 105 ya ILO. (Photo/ILO)

2 Comments on Umunyarwanda mu bayoboye inama mpuzamahanga y’umurimo

  1. Umunyarwanda munama Mpozamahanga y’umurimo yatorewe umwanya wa vice chair person uhagarariye abakozi muriyo nama

Leave a Reply

Your email address will not be published.


*