U Rwanda n’u Burundi hazimye uwatse

Louise Mushikiwabo, Minisitiri w'Ububanyi n'amahanga w'u Rwanda.

“U Rwanda n’u Burundi hazimye uwatse kuko byari ibihugu bivandimwe kuva ku ngoma ya cyami kugera kuri Repebulika.”kilojnhbn

Ibi byagarutsweho na Minisitiri w’ububanyi n’amahanga mu kiganiro n’abanyamakuru ku wa kane tariki ya 10 Ugushyingo 2016, aho yavuze ko umubano w’u Rwanda n’u Burundi umeze nabi nyuma y’imvururu zabamaganaga kwiyamamaza kwa manda ya gatatu ya Perezida Nkurunziza.

Minisitiri w’Ububanyi n’amahanga n’ubutwrerane w’u Rwanda, Louise Mushikiwabo, yavuze ko kuva kera u Rwanda n’u Burundi byabanaga neza kuva mu gihe cy’ubwami kugeza kuri Repebulika kubera ko bagiranye amasezerano yo gutabarana mu gihe umwe agize akaga kandi nta n’utera undi; yibukije ubwo u Rwanda rwabatabaraga isoko rifashwe n’inkongi y’umuriro, cyari ikimenyetso cy’icyo gihango.

Ariko hazimye uwatse ubwo mu Burundi hatangiraga imvuru zamagana manda yagatatu ya Perezida  Nkurunziza, bashinje u Rwanda kubigiramo uruhare, muri cyo gihe abarundi benshi batangiye guhunga imvururu zaberaga iwabo n’abanyarwanda bariyo batangira kugirirwa nabi, kwicwa n’ibindi byinshi bakorewe. Leta y’u Rwanda ntiyigeze yemera ibyo u Burundi buyirega, ibihakana yivuye inyuma kuko nta ruhare bafite mu mvuru zaberaga mu Burundi.

Yakomeje avuga ko nubwo imvururu zisa n’izahoshejwe, ntabwo ikibazo cyakemutse. Agira ati “…twe nk’igihugu twahisemo kujya kure y’ibibazo by’abarundi; mu kwirinda ibikorwa bakoraga by’ubushotoranyi, twahisemo kwituriza  nubwo byatubabaje, kuko nta bundi buryo bwari buhari.”

Yongeyehoko nta kindi gihugu cyakwivanga mu bibazo b’u Burundi kuko ari igihugu gifite ubusugire bwacyo no mu gufata ibyemezo ubwacyo.

Ku kibazo cyo gufunga imipaka Minisitiri Mushikiwabo yavuze ko abafite ingaruka nyinshi ari abarundi kuko babujijwe kuzana ibicuruzwa byabo mu Rwanda nyuma yo kubuza ibicuruzwa kwambuka imipaka. Ati “birababaje kubona abakene bo hakurya batabasha kuzana ibyabo mu Rwanda ngo bacuruze, kuko nibwo buzima bari bamenyereye; ariko nanone ntacyo twabikoraho kuko igihugu si icyacu…”

Minisitiri Mushikiwabo yavuze ko u Rwanda rwiteguye kugirana umubano mwiza n’u Burundi kuko ari abavandimwe n’abaturanyi ariko ibyemezo byafashwe n’abategetsi b’u Burundi ntacyo tu Rwanda rwabikoraho.

Ubusazwe u Burundi ni igihugu cyahahiranaga n’u Rwanda mu bucuruzi, abarundi bazanaga imbuto nk’amaroji, amamesa, indagara n’ibindi byinshi mu gihe u Rwanda rwatwaraga ifu y’ibigori (kawunga) ifu y’imyumbati (ubugari), ibirayi, n’ibindi ibyo byose byafashaga abaturage b’ibihugu byombi kwiteza imbere.

Ibi bihugu kandi bihuriye mu muryango wa Afurika y’Uburasirazuba, byinjiriyemo rimwe; bigahurira kandi no mu muryango w’ibihugu bituriye ibiyaga bigari.

Mutesi Scovia

Be the first to comment

Leave a Reply

Your email address will not be published.


*