Misiri: U Rwanda rwegukanye imidari itatu

Areruya Joseph yegukanye umwanya wa gatatu mu bari munsi y'imyaka 23. Byatumye ahesha ikipe y'igihugu imidari itatu ya Bronze. (photo/Courtesy)

Muri Shampiyona Nyafurika y’umukino w’amagare yaberaga i Luxor mu gihugu cya Misiri, ikipe y’u Rwanda yegukanye imidari itatu yagezeho ibikesheje Areruya Joseph.

Areruya Joseph mu wasoje shampiyona ari ku mwanya wa 6 yegukanye imidari itatu ya Bronze mu bakinnye bari munsi y’imyaka 23.

Areruya avuga ko isiganwa ryari rikomeye. «Irushanwa ry’uyu munsi ryari rikomeye, nakoze nshaka umudari, ariko nanone abakinnyi bagenzi banjye bamfashije nkiri mu itsinda. Akazi ko gutwara igare ni akazi kavunanye ariko kuba ntawaguye cyangwa ngo agire indi mpanuka ni byiza. »

«Ni ibintu niteguye kuva muri Maroc, na South Afurika, nifuzaga nibura umudari umwe ariko mbonye itatu. Iyo ukura ikintu ukagikuramo umusaruro ugikunda kurushaho. Kuba ntwaye iyi midari hari izindi mbaraga binyongereye. Inyigisho twahawe twazibyaje umusaruro.»

Uwizeyimana Bonaventure kapiteni w’ikipe y’igihugu avuga ko bakoze neza ku munsi wa mbere n’uwa kabiri babona imidari kugeza ku munsi wa nyuma kandi ari ibyishimo.

«Areruya ni umukinnyi ufite imbaraga nyinshi, twagombaga kumufasha ariko yakoresheje imberaga nyinshi cyane kuko yakoze akazi kari ake agakora n’akatari ake.»

Sterling Magnell, umutoza w’ikipe y’igihugu y’amagare yishimira ko abakinnyi bitwaye neza kandi batsinze kare, agiye gukomeza gukora cyane kugira ngo abakinnyi barusheho kuba abanyamwuga.

Panorama

 

Be the first to comment

Leave a Reply

Your email address will not be published.


*