Ishyaka UDPR ryishimiye intsinzi ya Perezida Kagame, rimwifuriza imirimo myiza

Itangazo ryashyizwe aharagaragara kandi rishyirwaho umukono na Perezida w’Ishyaka riharanira Ubumwe bw’Abanyarwanda na Demokarasi (UDPR) Nizeyimana Pie, barifuriza Perezida Paul Kagame imirimo n’ubuzima byiza.

Iryo tangazo rigira riti “Ubuyobozi bw’Ishyaka Riharanira Ubumwe bw’Abanyarwanda na Demokarasi UDPR, hamwe n’Abayoboke baryo banejejwe no gushimira Nyakubahwa Perezida wa Repubulika Paul Kagame, intsinzi ihambaye mwegukanye, intsinzi yanyu Nyakubahwa Perezida wa Repubulika, ni intsinzi ya FPR-Inkotanyi, ni intsinzi y’Imitwe ya Politiki yabashyigikiye Nyakubahwa, ni intsinzi y’Abanyarwanda bose! Dutewe ishema no kugira agaciro mu Rwatubyaye no mu mahanga!

Ubuyobozi bw’Ishyaka UDPR n’Abayoboke baryo ntituzagutenguha imbaraga, ubwenge, ubuhanga, ubushobozi kujya inama no gukorera hamwe nibyo bizakomeza kuturanga. Tuzakomeza intumbero y’Ishyaka UDPR yo gukomeza kubaka Ubumwe bw’Abanyarwanda na Demokarasi.

Nyakubahwa Perezida wa Repubulika, tubifurije imirimo myiza, ubuzima bwiza, imikoranire myiza! tubifurije u Rwanda rw agaciro karambye u Rwanda rufite ijambo mu ruhando rw’amahanga! Imana Ibarinde!”

Ishyaka UDPR ryifatanyije n’Umuryango FPR Inkotanyi mu kwamamaza umukandida wayo Perezida Paul Kagame, wegukanye intsinzi ikomeye y’amajwi 98,63% mu matora y’umukuru w’igihugu yo ku wa 3-4 Kanama 2017.

Ishyaka UDPR kandi risanzwe rifitanye umubano ukomeye n’Umuryango FPR Inkotanyi no mu bindi bihe by’amatora bakunze guhuza intambwe.

Panorama

Nizeyimana Pie, i Nyagatare, yamamaje Perezida Paul Kagame (Photo/Courtesy)
Nizeyimana Pie, Perezida wa UDPR mu bikorwa byo kwamamaza Perezida Paul Kagame wari Umukandida w’Umuryango FPR Inkotanyi (Photo/Courtesy)
Nizeyimana Pie, i Nyagatare, yamamaje Perezida Paul Kagame (Photo/Courtesy)

 

 

 

 

Be the first to comment

Leave a Reply

Your email address will not be published.


*