Uturere twa Rwamagana na Musanze banditse amateka mu mihigo

Umuyobozi w'Akarere ka Rwamagana Mbonyuvunyi Rajab (Photo/Courtesy)

Uturere twa Rwamagana na Musanze twanditse amateka mu mihigo y’umwaka 2016/2017 tuza dukurikiranye kuko Rwamagana yabaye iya mbere na ho Musanze iza ku mwanya wa kabiri.

Akarere ka Rwamagana kaje ku isonga n’amanota 82.2%, mu gihe umwaka ushize kari ku mwanya wa 19. Akarere ka Musanze kaje ku mwanya wa kabiri n’amanota 81.28, mu gihe umwaka ushize kari ku mwanya wa nyuma.

Ku mwanya wa Gatatu haje Akarere ka Huye n’amanota 80.55, umwanya n’ubundi kari gasanzweho umwaka ushize, ariko uturere twaje imbere twakanyuzeho tuvuye kure cyane.

Ku myanya itatu ya nyuma haje Akarere ka Ruhango kaje ku mwanya wa 28 n’amanota …, ku mwanya wa 29 haje Akarere ka Rulindo n’amanota …, na ho ku mwanya wa nyuma wa 30 haza Akarere ka Rubavu n’amanota 72.86%.

Akarere ka Gatsibo kari kamenyerewe mu myanya y’inyuma, umwaka ushize kaje ku mwanya wa 11, uyu mwaka kaje ku mwanya wa 6. Akarere ka Gasabo kari ku mwanya wa mbere umwaka ushize, uyu mwaka kaje ku mwanya wa cyenda.

Umwaka ushize uturere dutatu twa nyuma twabaye Nyagatare yaje ku mwanaya wa 28 n’amanota 70.82, Rutsiro iba iya 29 n’amanota 70.87, na ho Musanze iheruka utundi turere twose n’amanota 70.37%.

Ku myanya itatu ya mbere hari haje Akarere ka Gasabo n’amanota 81.6%, gakurikirwa na Gicumbi yagize amanota 80.3%, na ho aka gatatu kaba Huye n’amanota 78.98%.

Uko uturere twakurikiranye mu mihigo 2016/2017

  1. Rwamagana 82,2%
  2. Musanze 81,2%
  3. Huye 80,5%
  4. Gakenke 80,1%
  5. Nyarugenge 79,7%
  6. Gatsibo 79,5%
  7. Kirehe 79,3%
  8. Burera 79,33%
  9. Gasabo 79,1%
  10. Gicumbi 79,1%
  11. Nyamasheke 78%
  12. Rutisro 78,74%
  13. Karongi 78,62%
  14. Rusizi 78,60%
  15. Nyaruguru 78,40%
  16. Muhanga 78,40%
  17. Ngororero 78,33%
  18. Nyagatare 77,8%
  19. Kamonyi 77,51%
  20. Ngoma 77,50%
  21. Nyanza 77,15%
  22. Bugesera 76,95%
  23. Kayonza 76,86%
  24. Nyabihu 76,15%
  25. Kicukiro 76,02%
  26. Gisagara 75,6%
  27. Nyamagabe 75,55%
  28. Ruhango 75,27%
  29. Rulindo 75,19%
  30. Rubavu 72,86%

Panorama

 

 

Be the first to comment

Leave a Reply

Your email address will not be published.


*