Kwibuka 24: “Dukore itangazamakuru, twirinda kugurisha umutimanama”

Abanyamakuru bitabiriye ari benshi imihango yo kwibuka bagenzi babo bazize Jenoside yakorewe Abatutsi (Ifoto/Panorama)

Nadine Evelyne Umubyeyi  

Mu muhango wo kwibuka ku nshuro ya 24 abanyamakuru bishwe muri Jenoside yakorewe Abatutsi, wabereye ku kigo cy’Igihugu cy’Itangazamakuru-RBA, ku wa 13 Mata 2018, hatangiwe ubutumwa bw’ibanze ku guhwitura abanyamakuru bari mu mwuga ubu. Babasabye kwirinda kugurisha umutimana, kugira ngo badatandukira amahame abagenga.

Inama Nkuru y’Itangazamakuru n’Ikigo cy’igihugu cy’itangazamakuru mu kwifatanya n’abasigaye mu miryango y’abanyamakuru bahoze ari aba ORINFOR (Office Rwandais d’Information) ndetse n’ibindi bitangazamakuru byariho, bifatanyije kandi n’ubuyobozi bwa Leta ndetse n’ivugabutumwa mu kunamira abanyamakuru bazize Jenoside yakorewe abatutsi.

Ni umuhango watangijwe no gucana urumuri rw’icyizere. Arthur Asimwe Umuyobozi mukuru wa RBA avuga ijambo ry’ikaze, yagaye uruhare rubi rwagaragajwe n’itangazamakuru ryariho igihe cya Jenoside ubwo batizaga umurindi abicanyi; gusa ashima intambwe imaze guterwa kugeza ubu.

Ati “Icyo dusabwa ni ukunenga no gusesengura ibyasize isura mbi itangazamakuru, bityo tugatera izindi ntambwe dutanga umusanzu mu gusana igihugu. Kandi ubu ni byiza kuko nta kubogama, nta marangamutima bikigaragara mu mwuga dukora.”

Yasabye itangazamakuru kandi kugaragaza uruhare rwaryo cyane mu bihe byo kwibuka, baba hafi abarokotse Jenoside yakorewe abatutsi binyuze mu biganiro byubaka bijyana n’ibikorwa biteganywa mu gihe cyo kwibuka.

Hasomwe amazina y’abanyamakuru bazize Jenoside yakorewe Abatutsi. Ibiganiro byatanzwe hagarutswe cyane ku nshingano z’umunyamakuru, kuko iyo itangazamakuru ryariho ritazitandukira ritari no gutiza umurindi abateguye bakanashyira mu bikorwa Jenoside yakorewe abatutsi muri Mata 1994.

Hon. Prof. NKUSI Laurent ati “Umunyamakuru ashinzwe gutangaza amakuru, avuga ukuri kutarimo kumva amabwire, agakurikiza amategeko n’amahame remezo amugenga mu bumenyi n’ubuhanga ndetse no guharanira itangazamakuru ryubaka ritabangamira kandi umutekano w’igihugu.”

Sam Gody Nshimiyimana wari umunyamakuru mu gihe cya Jenoside, mu buhamya bwe, yavuze ku buryo burambuye uko jenoside ijya kwibasira abanyamakuru, habanje politike y’iringaniza yariho mu mashuri mu rwego rwo gukandamiza zimwe mu ntara z’igihugu.

Ati “ORINFOR yari ikigo gishingiye kuri perezidansi ya repubulika, buri wese yigaga yifuza gukora muri icyo kigo nyamara si ko benshi babonagamo imyanya kuko cyahitagamo abo gishaka. Abandi bakirukanwa kugira ngo nyuma y’igihe bamaze guhura n’ubukene, bazakoreshwe mu zindi nyungu za Leta yariho nk’uko bakoraga nk’igihaha cyayo.”

Ni icyo bamwe mu batanze ubutumwa muri uyu muhango bise “kugurisha umutimanama”, aho umunyamakuru yakoreshwaga muri gahunda zitandukanye n’amahame y’umwuga we areba gusa inyungu ze.

Minisitiri w’ubutegetsi bw’igihugu, Françis Kaboneka, mu butumwa bwe, yahumurije ababuze ababo muri Jenoside yakorewe Abatutsi abibutsa ko dufite igihugu kiduha agaciro. Yavuze kandi ko kwibuka bidakwiye kuba umugenzo kuko ari ukuvoma ku isoko, tukongera imbaraga mu guhangana n’abashaka kudusubiza mw’icuraburindi.

By’umwihariko yibukije itangazamanyamakuru ko bakwiye guharanira kwigisha abagifite imitekerereze mibi, byaba ngombwa bagashyikirizwa ubutabera bagakurikiranwa. Ati “Igikomeye ni umutimana. Abanyamakuru bakwiye kwirinda kunyuranya n’umwuga, ngo hatagira ubacamo urwaho.”

Yasabye itangazamakuru kandi kubika amateka, kugira ngo azakomeze gufasha mu kuraga abana b’abanyarwanda u Rwanda ruzira amacakubiri.

Abanyamakuru bibukwa bazize Jenoside yakorewe abatutsi bagera kuri 53 bakoreraga ngwa ibyigenga.

Minisitiri w’Ubutegetsi bw’Igihugu, Kaboneka Francis, mu butumwa yatanze yasabye Abanyamakuru kurangwa n’umutimanama (Ifoto/Panorama)
Abanyamakuru bitabiriye ari benshi imihango yo kwibuka bagenzi babo bazize Jenoside yakorewe Abatutsi (Ifoto/Panorama)
Abanyamakuru bitabiriye ari benshi imihango yo kwibuka bagenzi babo bazize Jenoside yakorewe Abatutsi (Ifoto/Panorama)
Abayobozi bo mu nzego z’itangazamakuru bitabiriye imihango yo kwibuka abanyamakuru bazize Jenoside yakorewe Abatutsi bacana urumuri rw’ikizere (Ifoto/Panorama)
Abayobozi bo mu nzego z’itangazamakuru bitabiriye imihango yo kwibuka abanyamakuru bazize Jenoside yakorewe Abatutsi bacana urumuri rw’ikizere (Ifoto/Panorama)
Abanyamakuru bitabiriye ari benshi imihango yo kwibuka bagenzi babo bazize Jenoside yakorewe Abatutsi (Ifoto/Panorama)
Imiryango n’inshuti bitabiriye igikorwa cyo kwibuka abanyamakuru bazize Jenoside yakorewe Abatutsi (Ifoto/Panorama)
Abayobozi bo mu nzego z’itangazamakuru bitabiriye imihango yo kwibuka abanyamakuru bazize Jenoside yakorewe Abatutsi bacana urumuri rw’ikizere (Ifoto/Panorama)
Abayobozi bo mu nzego z’itangazamakuru bitabiriye imihango yo kwibuka abanyamakuru bazize Jenoside yakorewe Abatutsi bacana urumuri rw’ikizere (Ifoto/Panorama)
Abayobozi bo mu nzego z’itangazamakuru bitabiriye imihango yo kwibuka abanyamakuru bazize Jenoside yakorewe Abatutsi bacana urumuri rw’ikizere (Ifoto/Panorama)
Abayobozi bo mu nzego z’itangazamakuru bitabiriye imihango yo kwibuka abanyamakuru bazize Jenoside yakorewe Abatutsi (Ifoto/Panorama)
Abayobozi bo mu nzego z’itangazamakuru bitabiriye imihango yo kwibuka abanyamakuru bazize Jenoside yakorewe Abatutsi (Ifoto/Panorama)
Senatri Prof. Laurent Nkusi atanga ikiganiro n’impanuro ku banyamakuru (Ifoto/Panorama)
Sam Gody Nshimiyimana umunyamakuru kuva mbere ya Jenoside yakorewe Abatutsi yatanze ubuhamya bw’ubuzima babayemo atanga n’impanuro ku banyamakuru bari mu mwuga (Ifoto/Panorama)
Minisitiri w’Ubutegetsi bw’Igihugu, Kaboneka Francis, yifatanyije n’abanyamakuru kwibuka bagenzi babo bazize Jenoside yakorewe Abatutsi (Ifoto/Panorama)

Be the first to comment

Leave a Reply

Your email address will not be published.


*