Gakenke: Bisi yafashwe n’inkongi y’umuriro irakongoka

Bisi ya RITCO yafatiwe n'inkongi mu murenge wa Kivuruga mu karere ka Gakenke (Ifoto/Umuseke.rw)

Nyuma y’igihe kitageze ku isaha itangiye urugendo muri iki gitondo cyo ku wa 27 Mata 2018, imodoka itwara abantu rusange ya kompanyi ya RITCO yfashwe n’inkongi y’umuriro iri mu nzira ituruka i Musanze yerekeza i Kigali, ubwo yari igeze i Buhuga, mu murenge wa Kivuruga mu karere ka Gakenke.

Nk’uko tubikesha umuseke.rw, iyi modoka yahiye yari yahagurutse muri gare ya Musanze saa moya n’iminota mirongo ine za mu gitondo (7:40am). Itangiye gushya, umushoferi yahagaze asaba abagenzi bose kuyivamo vuba, ku buryo ntawayigiyemo, kuko bivugwa ko yari itwaye abagenzi bagera kuri 51.

N’ubwo imodoka ya Polisi ishinzwe kuzimya umuriro yatabaye, ibintu by’abagenzi byahiriyemo.

Bisi ya RITCO yafatiwe n’inkongi mu murenge wa Kivuruga mu karere ka Gakenke (Ifoto/Umuseke.rw)

Be the first to comment

Leave a Reply

Your email address will not be published.


*