Gisagara VC na Nkumba University VC zegukanye irushanwa ryo Kwibuka rya 2018

Ikipe ya Gisagara VC ntiyoroheye iya REC VC mu mukino wa nyuma mu marushanwa yo kwibuka abakinnyi, abayobozi n'abakunzi ba Volleyball bazize Jenoside yakorewe Abatutsi (Ifoto/RuhagoYacu)

Gisagara VC mu bagabo na Nkumba University VC yo muri Uganda mu bagore ni zo zegukanye ibikombe by’imikino yo kwibuka ku nshuro ya 24 abahoze ari abakinnyi, abatoza n’abakunzi n’umukino w’intoki wa Volleyball, bazize Jenoside yakorewe Abatutsi muri Mata 1994.

Ni imikino yatangiye ku wa Gatandatu tariki 09 Kamena isozwa ku Cyumweru tariki ya 10 Kamena 2018 aho mu bagabo Gisagara VC yegukanye igikombe itsinze REG VC ku mukino wa nyuma amaseti atatu ku busa (3-0), na ho mu bagore Nkumba University VC itsinda KCB yo muri Kenya amaseti amaseti atatu kuri imwe (3-1).

Ku cyumweru ni bwo hakinwaga imikino ya kimwe cya kabiri n’iya nyuma. Mu bagabo, ikipe ya Gisagara VC yageze ku mukino wa nyuma itsinze APR VC muri kimwe cya kabiri cy’irangiza amaseti ku maseti atatu ku busa (25-17, 25-18 na 25-15), na ho REG VC na yo ihagera itsinze UTB VC amaseti atatu ku busa (25-19, 25-18 na 26-24).

Byahise bituma Gisagara VC ihura na REG VC ku mukino wa nyuma, iyitwara igikombe iyitsinze amaseti atatu ku busa ariko iseti ya nyuma ikaba yari ishiraniro (25-23, 25-19 na 27-25).

Mu bagore na ho ikipe ya Nkumba University VC yo muri Uganda yatsinze bigoranye RRA VC muri kimwe cya kabiri amaseti atatu kuri abiri (25-19,27-29,27-29,25-22 na 10-15) na ho KCB VC yo muri Kenya itsinda APR VC amaseti ku busa (25-23, 25-18 na 25-12). Ku mukino wa nyuma Nkumba yegukanye igikombe itsinze KCB amaseti atatu kuri imwe (23-25, 25-15,25-22 na 25-19).

Mu guhatanira umwanya wa Gatatu mu bagore ikipe ya RRA VC yatsinze APR VC amaseti atatu kuri imwe (3-1) na ho mu bagabo UTB VC itsinda APR VC amaseti ku busa (25-23,25-18, 25-23).

Mu bihembo byatanzwe ikipe ya mbere yahawe igikombe na sheki ya Miliyoni y’amafaranga y’u Rwanda, iya kabiri ihabwa ibihumbi Magana atandatu mu gihe iya Gatatu yahawe ibihumbi Magana ane by’amafaranga y’u Rwanda haba mu bagabo ndetse no mu bagore.

Uko amakipe yakurikiranye:

Abagabo

  1. Gisagara VC : 1 000 000 FRW +Igikombe
  2. REG VC : 600 000 FRW
  3. UTB VC: 400 000 FRW

Abagore

  1. Nkumba University VC :(Uganda) 1 000 000 FRW +Igikombe
  2. KCB VC (Kenya) : 600 000 FRW
  3. RRA (Rwanda) :400 000 FRW

Ibihembo by’abantu ku giti cyabo:

Mu bagore

  • Best server: Charlotte (RRA)
  • Best receiver: Benitha (APR)
  • Best Setter: Doreen (Nkumba)
  • Best Libero: Flavia (Nkumba)
  • Best Bloquer: Diane (KCB)
  • MVP: Agawa (Nkumba)

Abagabo

  • Best Server: Aimable (REG)
  • Best Receiver: Mukunzi (Gisagara)
  • Best Setter: Ndayisaba (REG)
  • Best Attacker: Kavalo (UTB)
  • Best Broquer: Gasongo Vicent (Gisagara)
  • Best Libero: Bosco (APR)
  • MVP: Ongoni Yvan (Gisagara)

Inkuru dukesha ruhagoyacu.com

Ikipe ya Gisagara VC ntiyoroheye iya REC VC mu mukino wa nyuma mu marushanwa yo kwibuka abakinnyi, abayobozi n’abakunzi ba Volleyball bazize Jenoside yakorewe Abatutsi (Ifoto/RuhagoYacu)

Be the first to comment

Leave a Reply

Your email address will not be published.


*