Abaganga b’Abahinde baragaragariza Abanyarwanda ko bavura kanseri zo mu mutwe

Hashize igihe gito abaganga b’inzobere mu kubaga no kuvura kanseri zo mu mutwe basuye u Rwanda ngo basuzume indwara zimwe zananiranye, bityo bagire inama abarwayi batandukanye.

Hari muri Mata uyu mwaka kuva tariki 21 kugeza ku ya 22 ubwo inzobere Dr. Tejinder Singh na Dr Sunil Kutty bo mu bitaro bya Apollo Hospitals biba mu mujyi wa Mumbai basuzumaga abarwayi i Kigali.

Bavuga ko nta ndwara zikanganye cyane babonye ariko ngo hari ibyo bagira ho inama Abanyarwanda ku buryo baniteguye kubafasha kujya kwivuriza mu Buhinde mu buryo bworoshye.

Batanga urugero rw’umugore ukomoka muri Ethiopia wari utangiye guhuma atazi ko ari kanseri y’imitsi yo mu bwonko yabiteye.

Sefinesh Wolde w’imyaka 35 ukomoka muri Ethiopia yari atangiye guhuma amaso atabona neza. Mu gihe cy’umwaka wose byagiye birushaho kuba bibi kugeza ubwo ijisho ry’iburyo rihumye neza n’iry’iburyo rigera aho rirangirika.

Ibyo byose byiyongera ku ku bubabare bukomeye yagira bw’umutwe udakira.

Ubwo yagezwaga ku bitaro bya Apollo Hospitals yari yarahumye ijisho ry’iburyo aho nyuma yo kumukorera ibizamini basanze arwaye icyo Tuberculum sellae meningioma’ cyatewe na kanseri yo ku bwonko ku buryo yazanye ibibyimba.

Icyo gihe abaganga bemeje ko agomba kubagwa kandi mu buryo bukomeye mu kubaga iyi ndwara yo bwonko.

Kuyivura rero ngo byasabaga ubuhanga buhambaye ngo Wolde yongere abone, ariko ngo kubaga iki kibyimba k’igihe kirekire bisaba kwigengesera ngo amaso atangirika yose kandi cyangwa ngo bitere ikindi kibazo cy’igihe kirekire ku murwayi.

Abaganga bo mu bitaro bya Apollo bavuga ko ikibyimba cyose gifata mu mutwe ari imwe mu ndwara zikomeye bigoranye kubaga.

“Gifata ku mitsi y’ubwonko n’ifasha kureba kandi n’indi ifasha mu kugemura amaraso mu bwonko bishobora guhungabanya iyo mikorere. Iyo tubaga ibi bibyimba rero biba bigoranye cyane gutandukanya imitsi kuko harimo itanga amaraso mu bwonko ari na yo igenga kubona kwa muntu.”

Bagaragaza ko hari indwara zitandukanye abantu bashobora kwitiranya n’izindi nyamara byatewe n’ibi bibyimba byo mu bwonko, bityo bakagira inama Abanyarwanda ko bajya bisuzumisha hakiri kare mu gihe bafite ububabare mu gice cyo mu mutwe.

Be the first to comment

Leave a Reply

Your email address will not be published.


*