Nyirarukundo Salome yanikiye abandi mu igisanwa ryo muri Canada

Nyirarukundo Salome yegukanye isiganwa rya Marathon i Montreal muri Canada (Photo/Courtesy)

Nyirarukundo Salome yegukanye igihembo cy’amadolari ibihumbi cumi na kimwe (11,000USD) nyuma yo kwanikira abandi mu isiganwa rya Marato (Marathon) ryaberaga i Montreal muri Canada, ku cyumweru tariki ya 23 Nzeri 2018.

Nk’uko tubikesha ikinyamakuru La Tribune, yegukanye iki gihembo akoresheje amasaha abiri, iminota makumyabiri n’umunani n’amasegonda abiri (2:28:02), asize umunyakenyakazi Joan Kigen, amasaha itatu n’iminota makumyabiri n’ine (3:24:00).

Umwanya wa gatatu wegukanwe n’Umunya Ethiopia, Emebet Anteneh, wakoresheje amasaha ibiri, iminota mirongo ine n’itatu n’amasegonda makumyabiri n’ane (2:43:24).

Mu bagabo, igihembo cyegukanwe n’Umunyakenya Ezekial Mutai w’imyaka 25, wakoresheje amasaha abiri, iminota cumi n’umwe n’amasegonda atanu (2:11:05). Yasize uwa kabiri ho iminota ine n’amasegonda mirongo itatu n’atatu (4’33’’), Wycliffe Biwott na we ukomoka muri Kenya.

Umwanya wa gatatu wegukanwe n’Umunyarwanda, Uwajeneza Jean Marie Vianney, wakoresheje amasaha abiri, iminota cumi n’umunani n’amasegonda icumi (2:18:10).

Panorama

Be the first to comment

Leave a Reply

Your email address will not be published.


*