Byiza Renus ukinira Muhazi Cycling Generation yegukanye umwanya wa mbere mu ngimbi

Uhiriwe Byiza Renus, Ukinira Muhazi Cycling Generation yegukanye ku nshuro ya kabiri umwanya wa mbere mu ngimbi mu mukino wo gusiganwa ku magare.

Muri shampiyona y’Umukino wo gusiganwa ku magare mu Rwanda, wo ku wa 28 Ukwakira 2018, mu bari munsi y’imyaka 19, Uhiriwe Byiza Renus ukinira Muhazi Cycling Generation yegukanye umwanya wa mbere.

Mu isiganwa ry’umukino w’amagare, isiganwa ryiswe Karongi Challenge, ku bilometero 91 bazenguruka kuva i Rubengera i Karongi mu mujyi, aho bazengurutse inshuro 15, urugendo rureshya na kilometer 91, akoresheje amasaha abiri iminota 48 n’amasegonda atatu. Ni ku nshuro ya kabiri Byiza yegukana uyu mwanya.

Mu cyiciro cy’abakobwa basiganwe ku ntera y’ibirometero 76, bazenguruka inshuro 12, cyegukanwa na Ingabire Diane ukinira Benediction Cycling Club Team, akoresheje amasaha abiri n’iminota 40.

Muri iki cyiciro, abakobwa ba Benediction baje imbere ari batatu, umwanya wa Kane utwarwa n’umukinnyi wa Les Amis Sportifs na ho uwa gatanu wegukanwa n’Umukinnyi wa Muhazi Cycling Generation.

Mu bakuru ndetse n’abatarengeje imyaka 23, umukinnyi w’ikipe ya Fly Cycling Club Mugisha Moise yegukanye irishanwa rya Karongi Challenge, ku ntera y’ibirometero 116, bazenguruka inshuro 20.

Mugisha yakoresheje amasaha atatu, iminota 17 n’amasegonda 57 akurikirwa na Gasore Hategeka wakoresheje amasaha atatu n’iminota 19 n’amasegonda 37 Manizabayo Eric aba uwa gatatu akoresheje amasaha atatu iminota 21 n’amasegonda 34.

Amarushanwa ya Rwanda Cycling Cup azakomeza tariki ya 10 Ugushyingo 2018 hakinwa Central Race Kigali-Musanze-Muhanga.

Abakinnyi batanu ba mbere mu bakuru:

  1. Mugisha Moise ukinira Fly – 3H17’57″
  2. Gasore Hategeka ukinira Nyabihu Cycling Club Team – 3H19’37″
  3. Manizabayo Eric unkinira Nyabihu Cycling Club Team – 3H21’34″
  4. Hakizimana Seth ukinira Les Amis Sportifs – 3H21’35″
  5. Twizerane Mathieu ukinira CCA – 3H21’37″

Abakinnyi batanu ba mbere mu ngimbi:

  1. Uhiriwe Byiza Reus ukinirira Muhazi Cycling Generation – 2H48’03″
  2. Nzafashwanayo Jean Claude unikinira Benediction Club – 2H48’05″
  3. Habimana Jean Eric ukinira Fly – 2H48’06″
  4. Muhoza Eric ukinira Les amis Sportifs – 2H48’10″
  5. Gahemba Bernabé ukinira Les Amis Sportifs – 2H48’10″

Abakinnyi batanu ba mbere mu bakobwa:

  1. Ingabire Diane ukinira Benediction – 2H40’00″
  2. Nzayisenga Valentine ukinira Benediction – 2H41’00″
  3. Mukundente Genevieve uninira Benediction – 2H42’03″
  4. Ingabire Beathe ukinira les Amis Sportifs – 2H42’03″
  5. Ishimwe Diane uninira Muhazi Cycling Generation- 2H42’09″

Panorama

Be the first to comment

Leave a Reply

Your email address will not be published.


*