RDF yungutse ingabo nshya ziyongera mu mutwe wihariye

Maj. Gen. Charles Karamba, yabibukije ko inshingo nyamukuru y’abasirikare.

Ku wa 21 Ukuboza 2018, Igisirikare cy’u Rwanda cyungutse ingabo nshya z’umutwe wihariye (Special Operations Force), nyuma y’amezi cumi na kumwe zihabwa imyitozo yihariye mu kigo cy’imyitozo ya gisirikare i Nasho mu karere ka Kirehe.

Nk’uko tubikesha urubuga rwa Minisiteri y’ingabo z’igihugu, Umugaba w’Ingabo zirwanira mu kirere, Maj. Gen. Charles Karamba, yabibukije ko inshingo nyamukuru y’abasirikare, ari ukurinda igihugu umwanzi uba ufite intego yo guhungabanya amahoro n’umutekano gifite.

Maj. Gen. Karamba yababwiye ko guhabwa imyitozo ari kimwe ariko ikiba gikenewe ari ukuyishyira mu bikorwa kurusha uko babitojwe.

Ati “Mwahawe amasomo menshi n’imyitozo bijyanye no kurinda ubusugire bw’igihugu cyacu. Mwitegure kugaragaza no gukora ibyo mwize nk’abasirikare bihariye. Amasomo ya gisirikare ni amwe ku isi hose, ariko igitandukanya RDF n’abandi ni umuco w’ingabo zacu; kuko umuco w’Abanyarwanda utatwemerera gutsindwa, ahubwo ukadushishikariza kuba indashyikirwa mu byo dukora byose.”

Muri uyu muhango, hashimiwe abasirikare batatu bigaragaje neza kurusha abandi mu byo batojwe, barimo Lt. James Kamanzi wabaye indashyikirwa.

Panorama

Maj. Gen. Charles Karamba, yabibukije ko inshingo nyamukuru y’abasirikare.
Maj. Gen. Charles asuhuza abasirikare basoje imyitozo nyuma y’amezi cumi na kumwe.
  1. Abasirikare bo mu mutwe wihariye wa Gisirikare basoje imyitozo mu kigo cy’imyitozo ya gisirikare i Nasho mu karere ka Kirehe.
    Hashimiwe abasirikare batatu bigaragaje neza kurusha abandi mu byo batojwe, barimo Lt. James Kamanzi wabaye indashyikirwa.
    Abasirikare bagaragaza imwe mu myitozo bahawe.

Be the first to comment

Leave a Reply

Your email address will not be published.


*