Umushahara wa Mwarimu ugiye kuzamurwaho 10 ku ijana

Imyanzuro y’Ibyemezo by’inama y’Abaminisiri yo ku wa 28 Mutarama 2019, iyobowe na Perezida wa Repubulika Paul Kagame, imyishi yibanze ku burezi irimo Kongera umushahara w’abarimu, impinduka ku ngengabihe y’itangira ry’Abanyeshuri ndetse no gushimangira ireme ry’uburezi.

Inama y’Abaminisitiri yemeje politike, gahunda n’ingamba birimo Inyongera y’icumi ku ijana (10%) ku mushahara w’abarimu bo mu mashuri abanza n’ayisumbuye ya Leta n’afashwa na Leta uhereye muri Werurwe 2019. Gusuzuma ubumenyi mu rurimi rw’Icyongereza ku banyeshuri n’abarimu bo mu nzego zose z’uburezi uretse amashuri y’incuke n’ay’ikiciro cya mbere cy’amashuri abanza.

Ikindi cyagarutsweho kandi kikemezwa ni ukunoza imicungire y’abarimu, uko bashyirwa mu kazi, uko bagakundishwa ngo barusheho kukitangira, itarambere ryabo no kubakurikirana. Hanemejwe  Politiki y’uburezi bwihariye n’ubudaheza na Gahunda y’uko abarimu bazamurwa mu ntera.

Mu byo Inama y’Abaminisitiri yamenyeshejwe  harimo Gahunda yo kongerera ubushobozi amashuri nderabarezi (TTCs) n’amashuri yo kwimenyererezamo umwuga; Impinduka mu ngengabihe y’ítangira ry’amashuri abanza n’ayisumbuye; Gahunda yo kunoza ubufatanye hagati y’amashuri, inganda n’ibigo mu rwego rwo guteza imbere amasomo y’ubumenyingiro no kwimenyereza imyuga.

Havuzwemo kandi shyirwaho rya Rwanda Coding Academy, ishuri ryigisha amasomo y’Imyuga n’Ubumenyingiro avanze n’ay’uburezi rusange rizajya ritanga impamyabumenyi z’ikiciro cya mbere mu gukora porogaramu za mudasobwa.

Hanagarutswe ku ishyirwaho ry’uburyo bw’isuzumabumenyi rusange ku nzego zose z’uburezi bw’ibanze.

Rwanyange Rene Anthere

Be the first to comment

Leave a Reply

Your email address will not be published.


*