DRC: Umutoza Florent Ibenge yasezeye ku mirimo ye mw’ikipe y’igihugu

Umutoza w’ikipe y’igihugu y’umupira w’amaguru ya Repubulika ya Demokarasi ya Congo, Jean Florent Ibenge, kuri uyu wa Gatatu tariki ya 7 Kanama 2019, yatangaje ko yamenyesheje Perezida w’Ishyirahamwe ry’Umupira w’amaguru muri RD Congo ko asezeye ku nshingano ze.

7sur7 dukesha iyi nkuru, itangaza ko Florent Ibenge asezeye ku mirimo nyuma y’uko yari amaze kugirana ibiganiro na Constant Omari, Perezida wa FECOFA, ubwo bari kumwe mu biro bye.

Iri yegura rya Florent Ibenge rije nyuma y’uko Ikipe y’igihugu y’umupira w’amaguru ya RD Congo isezerewe mu mikino ya 1/8 cya CAN yaabereye mu Misiri, kuko icyo gihe hagaragaye amajwi menshi asabwa umutoza ndetse na Perezida FECOFA kwegura.

Florent Ibenge yari amaze imyaka itanu ari umutoza w’ikipe y’igihugu y’umupira w’amaguru ya RD Congo, Les Léopards, aho yatwaye umudari wa Bronze muri CHAN 2015 n’igikombe cya CHAN 2016.

Panorama

Be the first to comment

Leave a Reply

Your email address will not be published.


*