Iranzi Jean Claude yabonye ikipe mu Misiri

Umukinnyi wo hagati usatira mu ikipe y’igihugu y’u Rwanda «Amavubi», akaba yari n’umukinnyi wa Rayon Sports, afite amasezerano azasozwa mu mpeshyi ya 2021 ariko yatijwe muri Aswan Sporting Club yo mu cyiciro cya mbere mu Misiri nk’uko tubikesha urubuga rwa Rayon Sports.

Kuri uyu wa Kabiri tariki ya 28 Mutarama 2019 nibwo uyu mukinnyi w’imyaka 29 yasinye amasezerano muri Aswan SC amwemerera gukina shampiyona ya Misiri kuva ubu kugera tariki 31 Nyakanga uyu mwaka.

Iranzi Jean Claude wahagurutse mu Rwanda tariki ya 14 Mutarama 2020 yerekeza mu mujyi wa Cairo mu Misiri, yabanje gukora igeragezwa ry’iminsi 10 muri iyi kipe iba mu mujyi wa Aswan ufatwa nk’umujyi w’Ubukerarugendo kuko ukora ku ruzi rwa Nile.

Aswan Sporting Club yiteze ko Iranzi Jean Claude azayifasha mu mikino isigaye ya shampiyona kuko ntabwo ihagaze neza. Iri ku mwanya wa 16 muri shampiyona y’amakipe 18. Ifite amanota 12, irushwa amanota 24 na Al Ahly iyoboye urutonde rwa shampiyona.

Iranzi agiye guhangana muri shampiyona isanzwe mo umunyarwanda Muhire Kevin ukina muri Tala’ea El Gaish SC iri ku mwanya wa 15 nayo ifite amanota 12.

Panorama

Be the first to comment

Leave a Reply

Your email address will not be published.


*