Connect with us

Hi, what are you looking for?

Ubukungu

Abahinzi b’ibigori barashishikarizwa kubyitaho hirindwa ibihombo

Mu minsi ishize binyuze mu kigo cy’Igihugu gishinzwe guteza imbere Ubuhinzi n’ubworozi mu Rwanda (RAB), Minisiteri y’ubuhinzi n’ubworozi mu Rwanda yatangaje ko umusaruro w’ibigori uzajya ufatwa n’uruhumbu uzajya ujugunywa cyangwa ugatwikwa, kuko uruhumbu ari uburozi bugira ingaruka mbi ku muntu.

Minisiteri y’ubuhinzi n’ubworozi mu Rwanda ibinyujije muri iki kigo, yatangaje ko yifuza gukora ubukangurambaga bushishikariza abahinzi b’ibigori kwita ku musaruro w’iyi mbuto kuva batangiye guhinga kugeza imbuto ikoreshejwe umumaro wayo wanyuma.

Miliyari 11 niyo ngengo y’imari yari iteganyijwe mu mwaka wa 2019/2020, yo kwifashishwa mu kubaka ibikorwaremezo birimo ubwanikiro bugeze kuri 600 mu gihugu, kubaka ubuhunikiro 60, kugura ubwanikiro bwa kijyambere (bwimukanwa) 10 ndetse n’ubwanikiro bwumisha ibigori ku makoma 6 mu kumisha umusaruro ukiva mu murima.

Dr Charles Bucagu ni umuyobozi wungirije ushinzwe ubuhinzi no gukusakaza ibyavuye mu bushakashatsi muri RAB. Avuga ko abaturage bakwiye kwitabira gukoresha ubwanikiro kugira ngo babashe kwirinda iyangirika ry’umusaruro wabo.

Agira ati “Muri iki gihe cyo gusarura no gufata neza umusaruro dukangurira abahinzi kwitabira kwiyubakira ubwanikiro bw’igihe gito. Turatekereza ko dufatanije ubu buryo bwose bw’ubwanikiro buzongera n’umusaruro mu gihugu.”

Dr. Bucagu avuga ko abaturage bagomba gufatanya bakumisha umusaruro kuko mu gihe kiri imbere umusaruro uzajya ugaragaza ko urwaye Aflatoxine uzajya ujugunywa cyangwa utwikwe.

Akomeza agira ati “Nta kibazo gihari cy’imyumvire, kuko abagura umusaruro iyo basanze urwaye aflatoxine ntibawugura. Ni ukuvuga ngo mu gihe kiri imbere umusaruro uzaba ugaragaza ko utarwaye aflatoxine uzajya ujugunywa cyangwa utwikwe kuko ni uburozi bushobora guteza ikibazo cy’indwara mu Gihugu, ubwo rero hazabaho ingamba zo gutuma uwo musaruro utagurishwa cyangwa ngo ugezwe mu nganda.”

Dr Bucagu avuga ko amwe mu makosa yagiye agaragara mu gufata neza umusaruro, RAB ikorana n’abahinzi, abagura umusaruro n’abawukusanya, kugira ngo hirindwe ibihombo bigenda bigaragara ku musaruro ukomoka ku buhinzi mu Rwanda.

Uyu muyobozi avuga ko bakorana na ba rwiyemezamirimo kugira ngo ubwanikiro bwongerwe, mu gihe abaturage bagasabwa kurushaho gufata neza umusaruro wabo, biyubakira ubwanikiro bw’igihe gito.

Raporo igaragazwa n’Ikigo cy’Igihugu cy’Ibarurishamibare mu Rwanda (NISR) ku buhinzi mu mwaka wa 2020, igaragaza ko kuri hegitari imwe nibura umuhinzi yejeje toni 1,5. Umwaka wa 2021/2022 mu gihembwe cya mbere cy’ihinga habonetse toni z’ibigori 353.999 kuri hegitari 221.521 naho mu gihembwe cya kabiri haboneka toni 94.634 ku buso bungana na hegitari 72.918.

Mihigo Eric

Click to comment

Leave a Reply

Your email address will not be published.

Izindi wakunda

Ibikorwaremezo

Mu rwego rwo gufasha abaturage mu kwiteza imbere, harashyirwa mu bikorwa Umushinga wo kugeza umuriro w’amashanyarazi ku baturage bo mu mirenge itanu igabana n’igihugu...

Ibidukikije

L’un des points dont le Rwanda est fier lors de la visite de la Directrice Générale du Fonds Monétaire International, Madame Kristalina Georgieva, est...

Amakuru

Ku masaha y’igicamunsi kuri uyu wa kabiri tariki ya 24 Mutarama 2013, Guverinoma y’u Rwanda yasooye itangazo ryiyama Leta ya Repubulika ya Demokarasi ya...

Imanza

Bamporiki Edouard wari Umunyamabanga wa Leta muri Minisiteri y’Urubyiruko n’Umuco, Urukiko Rukuru rwamukatiye gufungwa imyaka itanu runanzura ko agomba kwishyura ihazabu ya miliyoni 30...

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.