Connect with us

Hi, what are you looking for?

Inkuru nyamukuru

Abanyeshuri bo mu mashuri yisumbuye bahawe amahugurwa k’ubuzima bw’imyororokere

Urubyiruko rwitabiriye amahugurwa (Ifoto/ Munezero)

Abangavu n’ingimbi baturutse hirya no hino mu mashuri yisumbuye, bahuguwe ku buzima bw’imyirororkere n’umuryango_HDI (Health Development Initiative), hagamijwe ko bamenya kwirinda ababatera inda zitateguwe.

Iki gikorwa kizafasha abanyeshuri bo mu mashuri yisumbuye, kuko bazabasha gufasha bagenzi babo, haba aho biga cyangwa abandi batagize amahirwe yo kubyigishwa mu mashuri ndetse no ku babyeyi babo; babasha kwirinda ihohoterwa rivamo no gutwara inda zitateganyijwe.

Abanyeshuri bitabiriye aya mahugurwa bagaragaje ko banyuzwe, kuko bungukiyemo byinshi kandi ngo by’ingenzi batari bazi. Bizajya bibafasha mu buzima bwabo bwa buri munsi, nk’uko babivugira.

Nsengimana Don du Clement ni umwe muri bo, witabiriye amahugurwa aturutse mu Kigo cya Gs Mayange, aho yiga mu mwaka wa kabiri w’amashuri yisumbuye. Agira ati “Nta makuru ahagijje nari mfite ku byerekeye ubuzima bw’imyororokere, kuko numvaga bireba abakobwa gusa; ariko kubera aya mahugurwa twahawe nasanze twese bitureba, kandi ngiye kujya nanabyigisha bagenzi banjye nasize ku ishuri ndetse n’abo tubana mu rugo.”

Ingabire Esther wiga mu mwaka wa gatandatu mu mashuri yisumbuye, ku Kigo cya St Patrick, we yavuzeko ko yishimiye guhugurwa, akaba yagiriye inama bagenzi be b’abangavu ko igihe bahohotewe bagomba kwegera inzego zibishinzwe, kugira ngo babafashe. Kandi bakabasha no kuba inshuti z’ababyeyi babo, kuko igihe bagize ikibazo ngo bizajya bituma babafasha bakabagira inama hakiri kare.

Umuyobozi mukuru w’Umurango_HDI, Kagaba avuga ko icyo bagamije ari ukurinda aba bana gutwara inda bakiri bato, kandi bakanasobanukirwa uburyo bakirinda.

Ati “Twifuza ko hatagira umwana utwara inda akiri muto, kuko bimugiraho ingaruka nyinshi zitandukanye, harimo no guta ishuri kandi ari bo mbaraga z’ejo hazaza; Bityo tubigisha kwifata ari n’uwo binaniye, nibura akamenya ubundi buryo yakwirindamo, tubamenyenesha n’amwe mu mategeko yabarengera mu gihe bahuye n’ihohoterwa. Ni nayo mpamvu tubabwira ibijyanye n’amategeko yo gukuramo inda ndetse n’imiti yabafasha kudasama, turi no gukora ubuvugizi ku buryo imwe muri iyo miti yashyirwa ku mavuriro yose hakanagabanywa ibiciro.”

Bibafasha kwisobanukirwa

Guhugura abanyeshuri birabafasha, kuko akenshi baba bahura na benshi, haba aho baturuka cyangwa ku mashuri; bumva byinshi baba bacyeneyeho ibisobanuro bihagije, by’umwihariko ibireba imihindagurikire yo ku mubiri.

Karamage Elphase ni umukozi w’Ikigo cy’Igihugu cy’Ubuzima_RBC, mu Ishami ry’Ubuzima bw’umwana n’umubyeyi, by’umwihariko akaba ashinzwe ubuzima bw’imyororokere y’urubyiruko hagati y’imyaka 10-24. Avuga ko ihohotterwa rigenda rigabanuka, hamwe n’inyigisho urubyiruko ruhabwa.

Agira ati “Ihohoterwa rikorerwa abangavu ryavuye kuri 7.3% rigera kuri 5%, Ababyeyi bakwiye kujya bakira abana babo igihe batwaye inda zitateganijwe, bakareka kubatererana, harimo no kubaca mu muryango. Bakumva ko ari ibibaho, bakomeza kubarera ndetse no kubafasha kwiga kuko ari bo Rwanda rw’ejo.

Akomeza avuga ko bagiye gukora ibishoboka byose bagatanga amahugurwa ndetse n’ibiganiro mu Bigo bitandukanye by’urubyiruko, hose mu gihugu.

Inyigisho nkarishyabumenyi zikubiyye mu mahugurwa aba bangavu n’ingimbi bahawe, zigamije kubasobanurira byinshi ku buzima bw’imyororokere, bakaba bazakomeza guhugurwa mu buryo butandukanye.

Munezero Jeanne D’Arc

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.