Connect with us

Hi, what are you looking for?

Amakuru

Adekunle Gold mu Rwanda: Ubufatanye ni ngombwa mu kuzamura abahanzi

Adekunle Kasoko, Umuririmbyi w’Umunya-Nigeria ari mu Rwanda kuva ku wa 03 Ugushyingo 2021; yasabye itangazamakuru kugira uruhare rukomeye mu gufasha abahanzi Nyarwanda, mu kubamenyekanisha mu ruhando mpuzamahanga.

Mu kiganiro n’itangazamakuru, Adekunle Kasoko uzwi no ku mazina nka Adekunle Gold na AG Baby; cyo kuri uyu wa Kane tariki 4 Ugushyingo 2021, ni ho uyu muhanzi yagarutse ku ruhare rw’itangazamakuru mu kuzamura ibikorwa by’abahanzi.

Ni ikiganiro cyabanjirije igitaramo Adekunle agomba guhuriramo n’abahanzi Kenny Sol na Gabiro Guitar, ku wa 05 Ugushyingo 2021. Iki gitaramo cyiswe ‘M*ovember Fest’, kikazabera muri Canal Olympia kuri uyu wa gatanu.

Adekunle Gold yatangaje ko yishimiye gutumirwa muri iki gitaramo kigiye kuba icya mbere kirimo umuhanzi mpuzamahanga nyuma ya Guma mu rugo.

Ati “Nishimiye kuba hano. Ni byiza kuba ndi imbere y’itangazamakuru nka gutya. Ni ku nshuro ya mbere ngeze i Kigali ntegereje igitaramo cy’ejo no kuririmbira abantu bashya batari basanzwe bataramana nanjye.”

Abajijwe niba hari umuhanzi yari azi mbere yo kugera mu Rwanda, yavuze ko uwo yamenye ari Bruce Melodie ndetse na Kenny Sol kubera indirimbo ye yitwa ‘Say my name’.

Umuhanzi Adekunle Gold , ari kumwe na Gabiro Guitar (ibumoso) na Ken Sol (iburyo) bazahurira mu gitaramo

Yagize ati “Nzi umuhanzi Bruce Melodie kubera igitaramo ari gutegura, namenye n’indirimbo ‘Say my name’ ya Kenny Sol mbere ho gato y’uko nza mu Rwanda.”

Umukoro ku itangazamakuru

Mu bibazo uyu muhanzi yabajijwe n’abanyamakuru, hari uwashatse kumenya icyo Adekunle Gold avuga ku bahanzi bo mu Rwanda ndetse n’imikoranire yabo n’itangazamakuru. Aho yasubije avuga ko uruhare rw’itangazamakuru ari ingenzi, ngo umuziki w’Abanyarwanda umenyekane mu ruhando mpuzamahanga.

Ati “Hari umukoro ku itangazamakuru. Mwe ni gute muri kubafasha? Ni inshuro zingahe mukina indirimbo zabo kuri televiziyo cyangwa kuri radiyo? Niba mukina indirimbo mpuzamahanga ntabwo aribyo. Mukureho imipaka ariko muhere hano mu Rwanda mubafasha. Ikindi ariko habeho gufatanya hagati y’abahanzi n’itangazamakuru. Umurimo ukomeye cyane ni uw’itangazamakuru.”

Mu bahanzi Nyarwanda bazakira Adekunle Gold, abamaze gutangazwa, Kenny Sol na Gabiro Guitar, na bo bari kumwe na we mu kiganiro n’itangazamakuru; Aho bavuze ku myiteguro yabo. Kenny Sol yavuze ko yiteguye igitaramo neza kandi atekereza ko abantu bazitabira bazishima. Gabiro Guitar na we yavuze amaze igihe yitegura iki gitaramo, anasaba abantu kuzaza kubashyigikira kuko ngo kizaba ari icy’amateka.

Ubuyobozi bwa RG Consult yateguye iki gitaramo cy’amateka, nk’uko bakise, batangaje ko bashima Imana kuba bagiye gukora igitaramo kirimo umuhanzi mpuzamahanga.

Remmy Rubega uhagarariye RG Consult, yagize ati “Turishimye kuba tugiye kwakira umuhanzi mpuzamahanga ku nshuro ya mbere, nyuma ya ‘Guma mu Rugo’. Ntabwo ndi hano kuvuga kuri COVID-19, ahubwo nshaka kubabwira ko twagarutse kandi dufite imbaraga zidasanzwe.”

Adekunle Gold na Remmy Rubega uhagarariye RG Consult

Canal Olympia izakira iki gitaramo, na yo yari ihagarariwe muri iki kiganiro. Umuyobozi wayo, Aimée Umutoni yavuze ko ari ishema kuri bo; kuba bagiye kwakira igitaramo nk’iki gikomeye.

Ati “Ntewe ishema kandi nishimiye kuba turi bamwe mu bafatanyabikorwa b,’iki gitaramo kinini, kigiye kuba nyuma ya ‘Guma mu Rugo’. Twizeye ko abazaza bazishima mu gitaramo kizabera muri Canal Olympia, kuko ari ahantu hanze kandi hisanzuye.”

Abazitabira iki gitaramo kandi bazasusurutswa na Nep Djs na Neptunez Band, bafatanya n’abahanzi Kenny Sol na Gabiro Guitar; bazaba baririmbana na Adekunle Gold ku rubyiniro.

UMUBYEYI Nadine Evelyne

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.