Connect with us

Hi, what are you looking for?

Imanza

France: Bucyibaruta Laurent ukurikiranweho uruhare muri Jenoside yahakanye ibyo ashinjwa

Urubanza rukomeje kuburanisha Bucyibaruta Laurent wabaye Perefe wa Gikongoro (1992-1994), ukurikiranweho uruhare muri jenoside yakorewe Abatutsi; aho abatangabuhamya batandukanye bagaragaza ibyagashingiweho mu gushinja uyu mugabo, ariko we akabihakana.

Mu Rukiko rwa Rubanda (Cours d’Assises) I Paris mu Bufaransa, Bucyibaruta yisobanura ku byo umutangabuhamya yabwiye Urukiko kuri uyu wa 17 Gicurasi 2022, yumvikanye ahakana uruhare ashinjwa mw’iyicwa ry’Abatutsi b’I Gikongoro, igihe yari Perefe.

Mu masaha y’igicamunsi, ni bwo Bucyibaruta yahawe umwanya wo kwisobanura ku byo abatangabuhamya bamushinje, ahakana uruhare rwe muri Jenoside yakorewe Abatutsi 1994.

Bucyibaruta yatangiye avuga ko atigeze abwira abaturage kuzabeshya abari kuzajya gukora iperereza ku Gikongoro, ahubwo ko uwitwa Nsanzabaganwa Silas ari we ngo wavze ibyenda gusa n’ibyo; akaba ari na we waba warasabye abaturage gukora ibyo yise kumubeshyera.

Ubuhamya bwumviswe kandi bwavugaga ko Bucyibaruta wari Perefe mu gihe cya Jenoside (1994), yajyanaga Buldozer/Kateripilari ku Kiliziya ya Kibeho gushyingura imirambo y’ababaga bahiciwe; ariko we yabihakanye, ndetse avuga ko ntacyo yanavuga ku nzu z’Abatutsi zatwitswe kuko ntabyo azi.

Ibibazo yagiye abazwa na perezida w’Urukiko, ibyinshi yasubizaga abinyura ku ruhande. Nk’uburyo Jenoside yihuse muri Ruramba n’ahandi muri Perefegitura yayoboraga, kubera gusa ko indege yaguye I Kigali kandi harimo intera ndende kugera I Gikongoro.

Bucyibaruta asubiza agira ati “Inama ya Ruramba ya le 08 ntayo nari nigeze menya, nabimenye nyuma ndetse na ba Bourgoumestre twaratangaye ukuntu amakuru yihuse kugera ku baturage tutabizi! Amakuru ubanza abaturage barayakuraga ahandi, ariko si iwanjye.”

Akomeza avuga ko nta byinshi byo kuvuga kuko ibyabaga na we byamutunguraga, nk’aho Padiri muri Paroisse ya Mushubi yavugaga ko akeneye ubufasha (ku itariki 08), Bucyibaruta ngo wumvaga ari menace, yabwiye Bourgoumestre kumuzana ku Gikongoro/Paroisse ngo arindwe kandi yararokotse n’ubwo ngo nta enquete yasabye gukorwa.

Ati “Icy’ibanze kuri jye kwari ugusaba aba ‘gens d’armes’ bakajya gucnga umutekano kuko na Procureur de la Republique na we nta bushobozi yari agifite bwo gukora enquetes.”

‘Conflits de voisinage’

Bucyibaruta wari uhawe bwa mbere umwanya wo kuvuga ku byo abatangabuhamya bamugaragajeho mu Rukiko, yatangiye avuga mw’ijwi rirushye nk’iry’umuntu urira. Yavuze ko ibyabaye byari ‘Conflits de voisinages’, aho mu 1993 ngo bishoboka ko habaye ubushyamirane hagati y’Abahutu n’Abatutsi, Abahutu ubwabo cg Abatutsi ubwabo.

Ibyo ngo iyo byabagaho, ubuyobozi bwasabaga Inzego z’ibanze kubunga, abatanogewe n’umwanzuro bakagana Inkiko.

Yabivuze agira ati “Nabwiwe ko hari ubushyamirane bwabaye hagati y’Abahutu n’Abatutsi, nasubije nkoresheje inyandiko administrative; nababwiraga ko niba batabashije kubikemura administrativement, uruhande rutishimye rwagana Inkiko.”

Muri uru rubanza rwatangiye ku itariki 09 Gicurasi rukazasozwa ku wa 12 Nyakanga 2022, Bucyibaruta Laurent, ukurikiranweho uruhare muri Jenoside yakorewe Abatutsi 1994 ku Gikongoro, yatangiye kwisobanura ku byo abatangabuhamya batandukanye batangariza Urukiko, ahakana uruhare ashinjwa.

UMUBYEYI Nadine Evelyne

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.