Connect with us

Hi, what are you looking for?

Ubukungu

Huye: Amashuri yigenga akeneye amakuru ahagije ku Kigega Nzahurabukungu

Bamwe mu bafite amashuri yigenga bo mu karere ka Huye baravuga ko nk’abafite imishinga yagizweho ingaruka na COVID-19, bakeneye amakuru ahagije ku mikorere y’Ikigega Nzahurabukungu, ERF.

Ishuri ry’imyuga, Msgr Mubiligi Catholic TVT School nk’izindi nzego ku Isi, COVID-19 yarigizeho ingaruka nyinshi ndetse zikomeye, bityo bifuza nabo kugobokwa kugira ngo imishinga bari bafite ikomeze, nkuko bitangazwa n’uwari uhagarariye Ubuyobozi bw’iri shuri Mutarutwa Justine.

Yagize ati:” COVID-19 yatugizeho ingaruka nyinshi cyane, na n’ubu turimo gukora cyane kugira ngo turebe ko twaziba icyuho cya byinshi mu byo yangije. Amafaranga y’ishuri, ababyeyi benshi ntibayatangira igihe ariko twakira abana bakiga. Icyo kigega cyashyizweho  nta makuru tugifiteho gusa dukurikije ingaruka twahuye nazo turagikeneye, nuko tutarabona amakuru kuri cyo ngo tumenye ibisabwa ngo tukigane “.

Umuyobozi wa Ecole Bon Avenir de Butare Nduwimana Luke Eric agaragaza ko COVID-19, ikigo cyabo nacyo yacyigizeho ingaruka, kuko ababyeyi bamwe batari bashobora kwishyura neza amafaranga y’ishuri . Na bo bakifuza gukorana n’Ikigega nzahurabukungu, ERF.

Yagize ati:” Kugeza ubu, ababyeyi bamwe ntibatwishyura neza gusa twemera na make baduhaye kuko ni ishuri ryigenga, ntitugitungwa n’amafaranga y’ishuri ababyeyi bishyurira abana babo. Ikigega cyashyizweho ntitwakoranye nacyo ntitwari tunakizi ariko turagikeneye”.

Umuyobozi w’akarere ka Huye Sebutege Ange yavuze ko nta mwihariko w’ubukangurambaga washyiriweho amashuri yigenga ariko buri shuri ryakwegera ikigo cy’imari bakorana bagasobanurirwa ibisabwa bagafashwa na bo bagakomeza gukora neza. 

Yagize ati:” Turashima Leta y’u Rwanda yatekereje iki Kigega, mu karere ka Huye kimaze gutanga umusaruro ushimishije, tunasaba abatarafashwa kwegera ibigo by’imari bakorana na byo na BDF bagahabwa amakuru na bo bagafashwa niba bujuje ibisabwa”.

Mu karere ka Huye, Ikigega nzahurabukungu kimaze gutera inkunga imishinga 135, amafaranga angana na Miliyoni zisaga 129.

Guverinoma y’u Rwanda yashyizeho Ikigega cyo kuzahura Ubukungu (ERF) mu rwego rwo kunganira bizinesi zazahajwe n’ingaruka z’icyorezo cya COVID-19, kugira ngo zibashe kuzanzamuka,  zisubukure ibikorwa byazo, zibungabunge umurimo, bityo bifashe gukumira ingaruka z’iki cyorezo  ku bukungu.

RUKUNDO EROGE

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.