Connect with us

Hi, what are you looking for?

Amakuru

Huye: Urubyiruko rw’Abakorerabushake rwubakiye inzu abatishoboye

Ku munsi wo Gukunda Igihugu, wijihijwe tariki ya 1 Ukwakira 2021, Urubyiruko rw’Abakorerabushake ( Youth Volunteers) rwubakiye inzu, abaturage 2 batishoboye bo mu mudugudu wa Nyarurembo, Akagali ka Musebeya, Umurenge wa Kigoma mu karere ka Huye.

Hanatangijwe kandi Ukwezi k’Ubukorerabushake mu rubyiruko kuzasozwa tariki 31 Ukwakira 2021.

 Kuri iyi nshuro, uku kwezi gufite Insanganyamatsiko igira iti: “Ngewe na we ntitugamburuzwe mu rugendo rwo kubaka u Rwanda twifuza.”

Umwe mu baturage bubakiwe inzu, Ndarusanze Athanase yashimye cyane uru rubyiruko ku gikorwa k’indashyikirwa bakoze.

Yagize ati:” Ndishimye cyane, nari narasenyewe n’ibiza, mbura ubushobozi bwo kongera kwiyubakira ariko ubu nubakiwe.  Nshimye uru Rubyiruko rw’Abakorerabushake rwampaye umuganda, nshimiye kandi ubuyobozi bwiza bw’igihugu cyacu burangajwe imbere n’intore izirusha intambwe, Perezida Kagame Paul”. 

Ku ruhande rw’Urubyiruko rw’Abakorerabushake bari bitabiriye iki gikorwa, Muhizi Innocent na Dusengimana Frotunée bavuze ko batazadohoka kuba Abakorerabushake bakorera igihugu cyabo kugira ngo kirusheho gutera imbere.

Nyuma y’umuganda wo kubakira abatishoboye, hahembwe Marizamunda Claudine, umwe mu rubyiruko wabaye indashyikirwa mu kurwanya Covid-19 no gutangira amakuru ku gihe, yahawe Telefoni igezweho. Imiryango 100 yahawe kandi amagi 100, mu rwego rwo kuyigisha guteka indyo yuzuye no kuyigeza ku bana bato ndetse n’amasabune yo kunoza isuku.

Ntihinyurwa Joseph Komiseri ushinzwe ubushakashatsi n’Iterambere muri Rwanda Youth Volunteers, mu kiganiro na Panorama yashimye Akarere ka Huye ndetse n’urwego rw’abakorerabushake muri rusange.

Ati: “Ubukorerabushake bwahozeho no mu basogokuruza bacu no muri bakuru bacu, bityo natwe dukwiye kubukomeza. Urugamba rw’amasasu rwararangiye, ubu tugomba gukomeza guharanira kwibohora ubukene n’ibindi bibazo byugarije Abanyarwanda”. 

Umuyobozi w’Akarere ka Huye wungirije ushinzwe iterambere ry’ubukungu, Kamana André yavuze ko urubyiruko rukwiye gukura rwitoza gukora cyane no gukoresha amaboko, ndetse rukazabitoza abana babo igihe bazaba babaye ababyeyi, Igihugu kigakomeza gutera imbere, gitejwe imbere n’abana bacyo.

Ubuyobozi bw’Urubyiruko rw’Abakorerabushake mu karere ka Huye butangaza ko kuva mu kwezi kwa Gatanu uyu mwaka kugeza ubu, Urubyiruko rw’Abakorerabushake mu karere ka Huye rumaze kubaka ubwiherero 700, uturima tw’igikoni 1200, runatanga inka ifite agaciro k’amafaranga y’u Rwanda 435,000 na telefoni yatanzwe ifite agaciro  k’amafaranga y’u Rwanda 45000 n’amagi 100.

Ukwezi k’ubukorerabushake gufite intego nyinshi ziganjemo ubukangurambaga n’imirimo y’amaboko.

RUKUNDO EROGE

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.