Connect with us

Hi, what are you looking for?

Abagore

Huye: Uruhare rw’Uburinganire n’ubwuzuzanye ni ngombwa mu guhangana n’ihindagurika ry’ibihe

Mu kwizihiza Umunsi Mpuzamahanga w’Abagore, abaturage bo mu Karere ka Huye, mu Murenge wa Mbazi, bibukijwe ko hari isano ikomeye hagati y’uburinganire n’ubwuzuzanye ndetse n’ihindagurika ry’ibihe, aho buri wese agomba kugaragaza uruhare mu gukumira ingaruka byazanira ubuzima.

Ni mu birori byitabiriwe n’abayobozi bo mu nzego zitandukanye z’Igihugu, aho umushyitsi mukuru yari Visi Perezida w’Inteko Ishinga amategeko, Umutwe w’Abadepite.

Abagore bahawe telefone zigezweho zizabafasha mu ikoranabuhanga

Mu ijambo rye, yagarutse ku iterambere ry’Umunyarwandakazi, nk’Igihugu giteza imbere ihame ry’uburinganire n’ubwuzuzanye hagati y’abagore n’abagabo.

Hon. Edda Mukabagwiza, yagize ati “Umunsi nk’uyu na none ni ugusubiza amaso inyuma, tukanareba umugore yavuye he, yageze he kuva utangiye kwizihizwa muri za 1974. Ubu dufite urugero rukomeye, Inteko Ishinga amategeko y’u Rwanda niyo ya mbere ku Isi, ifite umubare munini w’abagore b’Abadepite, w’Abasenateri; iyo uteranyije ubu dufite 61.3%. Ibyo bose rero bituma na wa mwana w’umukobwa uri gukura, bimuha icyizere.

Yashimye kandi ubufatanye bw’abaturage b’i Huye muri rusange, akomoza ku ruhare umugore abifitemo ndetse n’uko komeje anavuga ku byo akwiye kwitaho mu guhangana n’ihindagurika ry’ibihe.

Ati “Nagira ngo mbashimire ibikorwa byiza nabonye muri aka Karere, by’umwihariko muri uyu Murenge wa Mbazi twaje kwizihirizamo uyu Munsi w’Abagore; Nashimye cyane uruhare umugore abifitemo, ndetse n’umugabo bafatanije. Bigaragaza ko iri terambere murimo, rizakomeza kugenda ryungikanya n’iry’ahandi hirya no hino, Igihugu cyacu kikazabasha kwiteza imbere mu buryo twifuza, tukagira umuryango mwiza kandi utekanye nk’uko tubyifuza. Mutima w’urugo afitemo ijisho rikomeye, ahagurukiye kugira ibyo yirinda n’ibyo afasha umuryango we kwirinda. Tutarebye umugore gusa, nko muri bya bicanwa, hari ujya kumutahiriza za nkwi, hari kuzimutemera ngo abashe kuzikoresha; ni ukuvuga ngo twese turebere hamwe dufatanyije, byose bigomba kuza muri ya gahunda y’umuntu ushaka kubaka umuryango ukomeye kandi utekanye.”

Bamuritse ibikorwa bahuriramo biteza imbere

Umuyobozi w’Akarere ka Huye, Sebutege Ange, yashimye iterambere ry’umugore wo mu Murenge wa Mbazi, abizeza gukomeza gufashwa n’Akarere mu gukomeza kwesa imihigo.

Ati “Twabonye Abadahigwa mu Ndatirwabahizi (z’Umurenge wa Mbazi) uyu munsi, ku bikorwa byiza mumaze kugeraho mu bufatanye abagore n’abagabo. Intego Igihugu cyacu gifite, mu bufatanye mu nzego zitadukanye, ni uko twabasha kubaka umuryango ushoboye kandi utekanye. Iyo habaye imihindagurikire y’ibihe, bigira ingaruka ku mibereho yacu, icyo gihe ntabwo twavuga ko dufite umuryango utekanye.”

Hirya no hino mu Mirenge y’Akarere ka Huye, bizihije Umunsi Mpuzamahanga w’Umugore, bishimira iterambere bamaze kugeraho, mu bufatanye bakesha kwitinyuka.

Mu Murenge wa Mbazi, byabaye n’umwanya mwiza wo kumurika bimwe bikorwa by’amashyirahamwe atandukanye y’abagore, baremera bamwe mu batishoboye barimo abafite ubumuga ndetse abandi borozwa inka, ngo zizabafashe kwiteza imbere no kubaho neza.

Bamwe bizihije Umunsi Mpuzamahanga w’Abagore bagabirwa inka
Mu Murenge wa Mbazi hari n’abafite ubumuga bahawe utugare two kugenderamo
Mayor Sebutege Ange na Hon. Mukabagwiza bagaburira abana indyo yuzuye
Ibikorwa bigaragaza iterambere ry’umugore w’i Huye

Imihindagurikire y’ibihe itizwa umurindi iyo amashyamba atemwa, iyo abantu bakora ubucukuzi mu buryo butubahiriza amategeko cyangwa ibisabwa, iyo hadategwa amazi mu buryo bukwiriye cyangwa ngo ahabwe inzira; ibyo byose bituma ibidukikije byangirika mu buryo butandukanye bikagira ingaruka ku buzima bwa muntu.

Uyu munsi waranzwe n’ibyishimo ku bawitabiriye nk’uko waherukaga kwizizwa mu myaka 2 ishize

U Rwanda rwizihije Umunsi Mpuzamahanga w’Abagore ku nshuro ya 47, hazirikanwa insanganyamatsiko igira iti “Uburunganire n’ubwuzuzanye mu guhangana n’imihindagurikire y’ibihe.” Mu Mirenge itandukanye y’Akarere ka Huye hizijwe uyu munsi, wizihizwaga ku rwego rw’Igihugu mu Karere ka Gakenke.

UMUBYEYI Nadine Evelyne

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.