Connect with us

Hi, what are you looking for?

Abantu

Ibaruwa Rucagu yandikiye Ikinyamakuru KANGURA mu 1993 imukuye aho Umwami Musinga yakuye Busyete

Ku ya 3 Nyakanga 2024, Boniface Rucagu, umwe mu bagize Urwego rw’Inararibonye z’igihugu, ashimira byimazeyo Jean-Damascène Bizimana, Minisitiri w’ubumwe bw’igihugu n’inshingano mboneragihugu, kuba yaravumbuye kandi akanashyira ahagaragara ibaruwa ifunguye yo mu 1993.

Muri iyo baruwa ya Rucagu yanditse yiyama yivuye inyuma inyandiko y’ikinyamakuru Kangura yateguwe na Hassan Ngeze yagaragazaga urwango Rucagu afitiye Abatutsi muri rusange n’Inkotanyi by’umwihariko.

Rucagu, agira ati: “Ndashimira Minisitiri w’ubumwe bw’Abanyarwanda n’Inshingano mboneragihugu, Jean-Damascène Bizimana, kuba yihaye igihe cyo kunkorera ubushakashatsi kugira ngo  ukuri kumenyekane ku bihuha byamvuzweho  mu myaka 30 ishize. Ubu yashyize ahagaragara ukuri gukuraho ishusho yanjye yari yaragoretswe.”

Minisitiri Dr. Bizimana asoma ku mugaragaro ibikubiye muri iyo baruwa mu biganiro biherutse gukorwa ku bijyanye n’ubumwe mu Ntara y’Amajyaruguru, agira ati: “Ndabona abantu bamutera hejuru ku mbuga nkoranyambaga bavuga ko kubera ko icyo gihe yari umwe mu bagize inteko ishinga amategeko wari uhagarariye MRND, yari mu Nterahamwe.”

Akomeza agira ati: “Kuri iyi ngingo isebya Rucagu muri Kangura, Iyi baruwa mfitiye kopi, yerekana uburyo Rucagu yandikiye Kangura yakoreraga mu kwaha kwa Leta n’Interhamwe yiyama abyamwanditseho, kandi tuzi neza ko muri icyo gihe Inkotanyi zari zitarabohora igihugu bigaragaza ko atarahuje n’abicanyi.”

Bimwe mu ibaruwa ya Rucagu yise “Itangazo ku basomyi b’ikinyamakuru Kangura, nk’uko byasomwe na Bizimana, igira iti: “Ku basomyi bose b’ikinyamakuru Kangura, wasomye ingingo yo muri Kangura No 46, mu 1993. Iyi nyandiko yuzuyemo ibitutsi, ubupfu no kudahana, ndatangaza ko iyi nyandiko atari iyanjye.”

Agira ati: “Umuntu wese wazanye iyo nyandiko yari agamije kwica umubano wanjye n’abantu benshi dore ko nk’umuntu warezwe n’indangagaciro nahawe n’ababyeyi banjye, wize kandi ukura usabana n’abandi, maze mba umuyobozi watowe n’abenegihugu. Ntabwo nshobora kugira ibitutsi nk’ibyo.”

Muri iyi baruwa kandi, Rucagu ati “Ndahiye ku izina ry’Imana Ishobora byose n’izina rya mama wanyonkeje ko inyandiko yasohowe atari iyanjye, ubutabera buzagaragaza aho ibyo byanditswe byaturutse. Nta muntu ukwiye kuntera amabuye kuko ntabwo nashoboraga guhindura imyitwarire  ku myaka 45 yari ishize mbayeho.”

Ni kenshi Rucagu yagiye asobanura ko uwo mugambi wateguwe n’umwanzi wakoresheje ifoto ye kugira ngo amwitirire ibinyoma , ngo Kuko banahimbye umukono we.

Rucagu mu ibaruwa yandikiye Kangura, yibukije rubanda ko yigeze gusohoka mu kinyamakuru Nyiramacibiri mu 1990, agaragazwa nk’umuntu wari ufitanye isano n’Abatutsi.

Agira ati: “Noneho abanzi bahinduye inzira bavuga ko nanga abatutsi. Bashaka kwangiza umubano wanjye na benshi.”

Muri iyo baruwa, Rucagu yabwiye abasomyi ko na we yareze Kangura mu rukiko kandi ko ategereza ko urubanza rwazaburanishwa, ariko Ngeze Hassan mu 2007, Urugereko rw’Ubujurire rwa ICTR rwahinduye bimwe mu byo yahamijwe, maze rumugabanyiriza ibihano kuva ku ifungwa rya burundu kugeza ku myaka 35.

Rucagu yavuze ko atashoboraga gutesha agaciro FPR-Inkotanyi, nyamara zamukoreye ibintu byiza, harimo no kumusubiza imodoka ye zari zaratwaye mu ntambara ya 1993.

Icyo agira ati: “Mboneyeho umwanya wo kubashimira (Inkotanyi) nk’uko nabivuze mu ibaruwa nandikiye abaturage ba komini ya Butaro, Cyeru, na Nyamugari ku ya 15 Nyakanga 1993. Nashimiye aba bantu kuba barandwaniye mu nama iyobowe na (icyo gihe) Umuyobozi wa FPR-Inkotanyi Col.Kanyarengwe.”

Rucagu yashoje ashinja Hassan Ngeze kuba yaranditse inyandiko zisebya abatutsi mu Rwanda no mu Burundi ndetse na FPR-Inkotanyi.

Bizimana yavuze ko ibaruwa yerekanaga ko Rucagu atagize uruhare mu gukangurira imbaga y’Abatutsi mu gihe cya Jenoside yakorewe Abatutsi, bitandukanye no kwihanganira ibivugwa ko bimuhuza n’ubwo bwicanyi kubera ko yari umwe mu bagize Inteko Ishinga Amategeko akaba n’umwe mu bari bagize inteko y’ishyaka ry’abahezanguni MRND mu minsi yabanjirije jenoside.

Nyuma, Rucagu yanditse kuri X ashimira Bizimana kuba yarakoze ubushakashatsi ku byahise kandi akaza kwerekana ibyo yabonye, ​​ndetse no gukuraho izina rye.

Nyuma ya Jenoside yakorewe Abatutsi, Rucagu yakoraga mu nzego zitandukanye z’ubuyobozi, cyane cyane nka prefet yahoze ari perefegitura ya Ruhengeri mu gihe ako karere kari kagabweho ibitero simusiga n’abahoze ari intagondwa za Interahamwe kandi batsinze abahoze ari FAR, mbere y’uko aba Umuyobozi wa gahunda y’uburere mboneragihugu.

Kugeza magingo aya, Minisistiri Dr Bizimana ahamya ko ikigaragara ni uko Boniface Rucagu yaharaniye ubumwe bw’Abanyarwanda.

Gaston Rwaka

8 Comments

8 Comments

  1. Matungo ALEXIS

    July 5, 2024 at 15:24

    Uyu mukambwe ararenze pe!politike arayizi kandi azi no kubana n’ abantu donc afite ubwenge karemano bumwe bw’ abanyarwanda ba zamani

  2. malebo

    July 5, 2024 at 15:26

    Mujye mukinisha abo mungana kuko Rucago ni sage cyane ikindi ntkereza ko yari aziranye na Colonel Kanyarengwe Alexis bari bafitanye ibanga rikomeye ni ukuvuga ko yari azi neza agakino k’ INKOTANYI kuva kera , ntabwo rero mushobora kumuteranya nazo.

  3. kAYITANA GEDEON

    July 5, 2024 at 15:27

    Rucagu ni grand ari ku rwego rwo hejuru niba hari n’ ibibi yakoze birutwa n’ ibyiza yakoze ku bwinshi kandi mwibuke ko niwe watumye ABARERA bayoboka muzi umutwe munin bagira.

  4. Asante James

    July 5, 2024 at 15:29

    ubworoherana ni concept ye ashobora kwigisha abanyarwanda benshi ubunyarwanda ntahubuka , ntazimura kandi azi kwicisha bugufi , RUCAGU wagira ngo yabaye ibwami kandi koko n’ abantu bo mu kazu ntibamushyiraga amakenga.

  5. JUSTIN MURANGWA

    July 5, 2024 at 15:33

    RUCAGU c’est une voix tres forte dans ce pays car il connait tout sauf rien, si tu lui touche tu touche le pouvoir mais Dr.Bizimana connait son pouvoir mais c’ est qui est bien chez lui il est humble il se fait ignorant pour attraper les malins.

  6. Osmana Ndugu

    July 6, 2024 at 07:33

    arakabaho Boniface ni umunyarwanda wifuza ko igihugu cye kiganza

  7. Delan

    July 10, 2024 at 19:51

    Songa mbele mucurabwenge Boniface uri uw’ ibwami tu

    • Jean de la Croix

      July 10, 2024 at 19:54

      Utazi ubwenge ashima ubwe abazigeza aho uyu mukambwe yigejeje ni imbarwa

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities