Ku gicamunsi cyo kuri uyu wa mbere tariki ya 13 Kanama 2018, Umuryango FPR Inkotanyi n’imitwe ya Politiki bifatanyije ariyo PDI, PDC, UDPR, PPC, PSP na PSR baratangiriza ibikorwa byo kwamamaza abakandida depite babo. Ibi bikorwa biratangirizwa mu karere ka Rulindo, Umurenge wa Masoro, Akagari ka Nyamyumba, ku kibuga cy’umupira w’amaguru.
Abaturage bahari ari benshi barabyina indirimbo z’Umuryango FPR Inkotanyi. Abaturage ni benshi cyane, bafite ibirango bya FPR Inkotanyi, ikibuga cyose gitamirije amabendera yayo.
Imitwe ya Politiki yifatanyije n’Umuryango FPR Inkotanyi na yo yazamuye amabendera yayo, abantu bose barimo kubyina. Ikirere kiratuje harava izuba rivanzemo akayaga ku buryo utapfa kuva ko riva.
Muri gahunda Umuryango FPR Inkotanyi witeguye gusangiza abaje kwakira abakandida depite, harimo ko mu rwego rw’ubukungu hazihutishwa iterambere ry’ubukungu bugera kuri bose, bushingiye ku ishoramari ry’abikorera, ubumenyi n’umutungo kamere.
Mu rwego rw’imibereho myiza hazaharanirwa kugira Umunyarwanda ubayeho neza kandi ushoboye, binyuze mu muryango utekanye, ubuvuzi n’uburezi bufite ireme.
Na ho mu rwego rw’imiyoborere myiza n’ubutabera, hazashyirwaho uburyo bunoze bw’imiyoborere n’ubutabera, bigamije iterambere rirambye.
Kugira ngo ibyo byose biteganywa bigerweho, Umuryango FPR Inkotanyi ugaragaza ko ruzasaba uruhare rwa buri wese muri rusange, n’urw’abagize Inteko ishinga amategeko by’umwihariko.
Kanda hano urebe Urutonde rw’abakandida depite mu matora yo muri Nzeri 2018 batanzwe n’imitwe ya Politiki
Rene Anthere Rwanyange i Masoro
Abaturage bitabiriye ari benshi cyane kumva imigabo n’imigambi y’Umuryango FPR Inkotanyi mu matora y’abadepite azaba muri Nzeri (Ifoto/Panorama)
Abaturage bitabiriye ari benshi cyane kumva imigabo n’imigambi y’Umuryango FPR Inkotanyi mu matora y’abadepite azaba muri Nzeri (Ifoto/Panorama)
Abaturage bitabiriye ari benshi cyane kumva imigabo n’imigambi y’Umuryango FPR Inkotanyi mu matora y’abadepite azaba muri Nzeri (Ifoto/Panorama)
Abaturage bitabiriye ari benshi cyane kumva imigabo n’imigambi y’Umuryango FPR Inkotanyi mu matora y’abadepite azaba muri Nzeri (Ifoto/Panorama)
Abaturage bitabiriye ari benshi cyane kumva imigabo n’imigambi y’Umuryango FPR Inkotanyi mu matora y’abadepite azaba muri Nzeri (Ifoto/Panorama)
Umuryango FPR Inkotanyi n’imitwe ya Politiki bafatanyije batangiye kwamamaza abakandida depite muri Rulindo (Ifoto/Panorama)
