Connect with us

Hi, what are you looking for?

Inkuru nyamukuru

Ikigo cy’u Bufaransa gishinzwe iterambere mpuzamahanga cyafunguye ibiro mu Rwanda

Ikigo cy’u Bufaransa gishinzwe iterambere mpuzamahanga, AFD, gitangaza ko mu myaka 2 iri imbere, iki Gihugu kizagenera u Rwanda miliyoni 200 z’ama-Euro, akazaza yiyongera ku yandi miliyoni 218, zatanzwe kuva mu 2019.

Ni ibyatangarijwe mu ruzinduko rw’iminsi 2, umuyobozi w’Ikigo AFD, Rémy Rioux, ari kugirira mu Rwanda kuva ku wa 31 Werurwe 2022.

Rémy Rioux, Umuyobozi Mukuru wa AFD, ari kumwe n’Umunyamabanga wa Leta muri Minisiteri y’Imari n’Igenamigambi, Claudine Uwera, bafunguye ku mugaragaro ibiro by’iki Kigo, mu Mujyi wa Kigali.

Uwera Claudine, umunyamabanga wa Leta muri MINECOFIN n’Umuyobozi wa AFD, Rémy Rioux, mu gufungura ku mugaragaro ibiro i Kigali

Umunyamabanga wa Leta muri MINECOFIN, Uwera Claudine, avuga ko u Rwanda rushima imbaraga U Bufaransa bwashyize mu kunoza umubano w’Ibihugu byombi, nk’uko ubufatanye bujyanye n’icyerekezo cy’iterambere rirambye bihaye.

Ikigo AFD kizagenera u Rwanda miliyoni 200 z’ama-Euro, mu myaka 2 iri imbere, ni asaga miliyari 200 z’amafaranga y’u Rwanda; azaza yiyongera kuri miliyoni 218 z’ama-Euro, yatanzwe kuva muri 2019.

Aya mafaranga akoreshwa mu nzego zinyuranye zirimo ubuzima, uburezi, kwigisha imyuga, iterambere ry’ubukungu ndetse no gufasha abaturage kubona serivisi z’ibanze.

Rémy Rioux avuga ko ibikorwa by’iterambere, bizajyana kandi no guteza imbere imyigire y’ururimi rw’Igifaransa. Ni gahunda ifite ingengo y’imari ya miliyoni 6 z’ ama-Euro, kuri ubu irimo gushyirwa mu bikorwa.

Ku wa 31 Werurwe 2022, Ikigo cy’u Bufaransa gishinzwe iterambere mpuzamahanga_AFD na Banki y’Amajyambere y’u Rwanda_BRD, bashyize umukono ku masezerano y’ubufatanye mu myaka 5 iri imbere.

Muri iki gihe hazibandwa ku mishinga igamije iterambere ry’abaturage, kuzahura ubukungu bwagizweho ingaruka n’icyorezo cya COVID-19, ndetse n’indi mishinga y’iterambere ifasha mu kurengera ibidukikije.

Ubufatanye bw’Ikigo AFD na BRD mu mishinga y’iterambere, bufite agaciro ka miliyari zirenga 23 z’amafaranga y’u Rwanda.

Rémy Rioux, umuyobozi wa AFD n’itsinda bazanye

Umuyobozi mukuru w’Ikigo cy’u Bufaransa gishinzwe iterambere mpuzamahanga, Rémy Rioux yanasuye Urwibutso rwa Jenoside rwa Kigali ku Gisozi. Aho we n’itsinda ayoboye, basobanuriwe uko Jenoside yakorewe Abatutsi yateguwe igashyirwa mu bikorwa, n’intambwe Abanyarwanda bamaze gutera biyubaka.

Rémy Rioux yashyize indabo ku mva, zishyinguyemo imibiri isaga ibihumbi 250 y’Abatutsi bishwe muri Jenoside.

Mu gitabo cy’abashyitsi yanditsemo ko “Urwibutso rwa Jenoside rwa Kigali, ari ubuhamya bugaragariza isi yose ububi ndengakamere bwa Jenoside yakorewe Abatutsi, ko ubwiyunge ndetse n’ubutabera ari byo byafashije Abanyarwanda gukira ibikomere bagize, no gutegura ejo hazaza heza.”

Mu myaka 3 ishize, Umuyobozi Mukuru w’Ikigo cy’u Bufaransa gishinzwe iterambere mpuzamahanga_AFD, agiriye uruzinduko mu Rwanda inshuro ya 4. Ni uruzinduko Ibihugu byombi bizarebera hamwe intambwe imaze guterwa, mu myigishirize y’ururimi rw’Igifaransa, ikoranabuhanga ndetse n’iterambere rya siporo.

UMUBYEYI Nadine Evelyne

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.