Connect with us

Hi, what are you looking for?

Afurika

“Ni igisebo kuba Abanyafurika 6% ari bo bamaze gukingirwa” Perezida Erdogan

Perezida Kagame, aganira na Perezida wa Turikiya, Recep Tayyip Erdogan, aho yanemereye Afurika doze miliyoni 15 z’inkingo za COVID-19

Mu nama ihuza Afurika na Turikiya, ba Perezida bombi, Paul Kagame na Recep Tayyip Erdogan, baganira; Turikiya yemereye Afurika doze miliyoni 15 z’inkingo za COVID-19, zikazakoreshwa mu gukomeza kuzamura umubare w’abakingirwa.

Ni mu rwego rwo gufasha abatuye umugabane wa Afurika, kurushaho kunoza ubwirinzi bw’icyorezo cya COVID-19, bakingirwa.

Perezida Recep Tayyip Erdogan yavuze ko kuba Afurika igifite umubare muto w’abaturage bakingiwe COVID-19, ari icyasha ku kiremwamuntu.

Yaboneyeho kubwira abitabiriye iyi Nama, ko Igihugu cye kiyemeje kuzaha Afurika doze miliyoni 15 z’inkingo za COVID-19, kuko azi neza ukwikubira kuri kugaragara mu bikorwa byo gusaranganya inkingo.

Ati “Tuzi ukwikubira kuri kuba hirya no hino, mu gusaranganya inkingo za COVID-19 ndetse n’uburyo Afurika iri gufatwa mu buryo budakwiye. Ni igisebo ku kiremwamuntu kuba Abanyafurika 6% ari bo bamaze gukingirwa.”

Yongeyeho ko Turikiya yiteguye gusangira inkingo na Afurika, mu guha agaciri ikiremwamuntu aho ari ho hose.

Perezida Kagame uri mu bakuru b’Ibihugu bitabiriye iyi nama, yanagaragaje ko icyorezo cya COVID-19 cyarushijeho kwerekana akamaro ko kubaka urwego rw’ubuzima rukomeye; bityo ko Afurika idakwiye gusigara inyuma.

Yashimye ubufatanye hagati ya Turikiya na Afurika, mu bijyanye n’ubucuruzi n’ishoramari, ubwikorezi, uburezi, ubuzima n’izindi.

Ubucuruzi hagati ya Turikiya na Afurika, bwari bufite agaciro ka miliyari 5,4$, mu mwaka wa 2020, ishoramari ryakozwe mu mezi 11 ya 2021, rigera kuri miliyari 6$.

Igihugu cya Turikiya kiri gukora inkingo, zizwi nka ‘Turkovac’, gusa hategerejwe ko zihabwa icyangombwa cya nyuma, gishobora gutuma zitangira gutangwa. Ntibiramenyekana niba ari zo, Perezida Recep Tayyip Erdogan yemereye Afurika cyangwa ari izo isanzwe ikoresha, zemewe na OMS.

UMUBYEYI Nadine Evelyne

Click to comment

Leave a Reply

Your email address will not be published. Required fields are marked *

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/PM/010/2014

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.