Connect with us

Hi, what are you looking for?

Rwanda

Umwarimu utarafashe inkingo za COVID-19 ashobora kudasubira mu kazi

Umwarimu utarikingije inkingo za COVID-19, kugeza ku rushimangira, ashobora kutazemererwa gusubira mu kazi mu gihe amashuri azaba atangiye.

Ibi biribazwa nyuma y’aho Inama Nkuru y’Igihugu y’uburezi_HEC, yanditse ibaruwa isaba amashuri makuru na za Kaminuza zose, gutanga urutonde rw’abarimu n’abayobozi bafashe inkingo zombi za COVID-19 kongeraho n’urushimangira.

Ni ibaruwa yagiye ahagaragara kuri uyu wa 06 Mutarama 2022, aho HEC yamenyeshaga amashuri makuru na Kaminuza, ko agomba kuba yohereje intonde z’abarimu, abayobozi n’abakozi bikingije byuzuye; ndetse bagatanga n’urutonde rw’utarakoze kimwe muri ibi, bitarenze ku itariki ya 7 Mutarama 2022.

Iyi baruwa igira iti “Tugendeye ku matangazo yatambutse ku birebana n’ikingirwa, turasaba gutanga uko ikingirwa rihagaze hakubiyemo urutonde rw’abarimu ndetse n’abandi bayobozi bakingiwe n’abatarakingiwe byuzuye, harimo n’urukingo rushimangira ndetse n’impamvu; iyi raporo igomba kuba yoherejwe bitarenze ku wa 7 Mutarama 2022. Guverinoma y’u Rwanda isaba Abanyarwanda n’abanyamahanga, harimo n’abari mu burezi, abarimu ndetse n’abanyeshuri gushyira hamwe mu kurwanya icyorezo cya COVID-19, kandi inzira yo kubigeraho ni ukwikingiza byuzuye.”

Ubu busabe bwa HEC, buje mu gihe igihembwe cya 2 cy’umwaka w’amashuri 2021-2022 kizatangira kuri uyu wa 10 Mutarama 2022.

N’ubwo Inzego z’Ubuzima zitangaza ko kwikingiza ari ubushake bw’umuntu, uwakwemeza ko umurezi utarikingije ashobora kudasubira mu kazi ntiyaba agiye kure, dore ko ari ko bisabwa abantu bahurira ahantu ari benshi, nko mu modoka rusange, mu kabari n’ahandi…

Abakora mu nzego zose zaba iza Leta n’izigenga, basabwa kwikingiza inkingo zose, nkuko Leta y’u Rwanda ibisaba buri muturarwanda.

Nshungu Raoul

Click to comment

Leave a Reply

Your email address will not be published. Required fields are marked *

Izindi wakunda

Rwanda

Perezida Paul Kagame yazamuye mu ntera abapolisi 4,592, bo mu byiciro bitandukanye, nyuma y’aho kuri uyu wa 26 Mutarama 2022, Inama y’Abaminisitiri yemeje amateka...

Hanze

Umusaza w’imyaka 87 w’Umunya-Iran, amaze imyaka myinshi atagira aho aba, yibera ku muhanda, amaze kandi imyaka hafi 70 atoga, ariko abahanga mu bya siyansi...

Ubuzima

Bamwe mu baturage bo mu karere ka Nyamagabe, Umurenge wa Kitabi bavuga ko hari byinshi batari bazi mu bijyanye n’uburenganzira bw’umwana ariko nyuma yo...

Imikino

Inama y’abaminisitiri yateranye kuri uyu wa Gatatu, yemeje imyanzuro, yemerera n’abafana kongera kureba imikino ku bibuga ahakinirwa. Kuri uyu wa gatatu, tariki ya 26...

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/PM/010/2014

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.