Connect with us

Hi, what are you looking for?

Imikino

Mu isubukurwa rya shampiyona RBC igiye kujya ipima amakipe nta kiguzi

Ishyirahamwe ry’Umupira w’Amaguru mu Rwanda_FERWAFA, ryemeje ko Shampiyona y’Icyiciro cya Mbere izasubukurwa ku wa 15 Mutarama 2022, aho amakipe azatangira akina umunsi wa 12; akazajya apimwa ku buntu n’Ikigo cy’Igihugu cy’Ubuzima_RBC, kuri buri munsi w’umukino.

Minisiteri ya Siporo yatangaje amabwiriza mashya agenga imikino, ku wa 8 Mutarama 2022, ubwo hakomorerwaga imyitozo n’amarushanwa bigengwa n’ingaga za siporo, igasaba ko ahuzwa n’ayo kwirinda COVID-19 akurikizwa na zo.

Umunyamabanga Mukuru w’Umusigire w’Ishyirahamwe Nyarwanda ry’Umupira w’Amaguru, Iraguha David, yatangaje ko amabwiriza avuguruye agomba gushyikirizwa amakipe muri iki cyumweru.

Iraguha yagize ati “Ikigezweho ni ugufata amabwiriza mashya tukayahuza n’ayari asanzwe, kandi uyu munsi (Ku wa Mbere) arara ahawe amakipe. Imyitozo irasubukurwa, ariko Shampiyona izagaruka tariki ya 15 Mutarama; Bazakomereza aho bari bageze, ni ku munsi wa 12.”

Yavuze kandi ko amakipe azajya apimwa ku buntu na RBC, ku munsi w’umukino. Ariko akazakomeza kwiyishyurira ibipimo by’inshuro imwe, mu gihe cy’imyitozo.

Ati “RBC ku bufatanye na Minisiteri ya Siporo na FERWAFA, uru rwego rwemeye ko ruzajya rufata ibipimo bya ‘Rapid test’ ku munsi w’umukino nta kiguzi. Ku myitozo, hazajya hazamo inshuro imwe, iyo yishyurwe n’ikipe.”

Amakipe azahura mu buryo bukurikira:

  • Etincelles FC vs Marines
  • Rayon Sports vs Musanze FC
  • AS Kigali vs Rutsiro FC
  • Espoir FC vs Etoile de l’Est
  • Kiyovu Sports vs APR FC
  • Gorilla FC vs Bugesera FC
  • Gasogi United vs Gicumbi FC
  • Mukura VS vs Police FC

Ku itariki ya 30 Ukuboza 2021, ni bwo Minisiteri ya Siporo yatangaje amabwiriza akubiyemo ibyemezo, byahagarikaga amarushanwa n’ibikorwa by’imyitozo mu gihe cy’ukwezi. Ibi byaje nyuma y’ihagarikwa ry’abafana ku bibuga, mu marushanwa yose; nk’icyemezo FERWAFA yari yafashe, mu gukomeza gukumira ubwandu bwa COVID-19 mu marushanwa n’indi mikino.

UMUBYEYI Nadine Evelyne

Click to comment

Leave a Reply

Your email address will not be published. Required fields are marked *

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/PM/010/2014

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.