Connect with us

Hi, what are you looking for?

Basketball

Kayonza: Harizihizwa Umunsi Mpuzamahanga w’umugore hakinwa Basketball

Mu rwego rwo kwizihiza umunsi Mpuzamahanga w’Umugore, Shooting Touch Rwanda (STR) yateguye amarushanwa ya basketball mu rwego rwo kugaragaraza imbaraga za siporo mu iterambere ry’umugore mu Rwanda.

Uyu muhango uteganyijwe ku Cyumweru Tariki 27 Werurwe 2022 guhera saa mbiri za mu gitondo (8:00AM) kugeza saa saba n’igice z’amanywa (13:30PM) ku kibuga cya basketball ahateganye n ikigo nderabuzima cya Nyamirama, mu Murenge wa Nyamirama.

Ibirori byo Kwizihiza umunsi mpuzamahanga w’Umugore muri Shooting bizarangwa n’ibikorwa bitandukanye harimo urugendo rw’ibirometero 5 mu kiswe “Car-Free Day March” ruzatangirira mu Karere ka Kayonza ahitwa “Urugo Opportunity Center” kugera ku kigo nderabuzima cya Nyamirama. Uru rugendo ruzatangira saa mbili kugeza saa tatu za mu gitondo (8h00-9h00).

Nyuma y’uru rugendo hateguwe amarushanwa ya Basketball ya 3 kuri 3 (3on3), rizahuza ibyiciro bine harimo abana bakiri bato, ingimbi, abangavu n’abagore baturutse ku ma bice bitandukanye Shooting Touch ikoreramo mu karere ka Kayonza, mu mirenge ya Mukarange, Nyamirama, Rukara na Rwinkwavu. Kuri uyu munsi hazatangwa n’amasomo ku buzima hanapimwe indwara zandurira mu mibonano mpuzabitsina ku buntu.

Intego ya Shooting touch hizihizwa umunsi mpuzamahanga w’umugore 2022, ni ugukora ubuvugizi ku buringanire n’ubwuzizanye, kwamagana imyumvire itari myiza ku uburinganire ndetse n’ivangura.

Umunsi Mpuzamahanga w’Umugore ni umunsi mukuru wizihizwa n’isi yose hishimirwa ibyo abagore bagezeho ku rwego rw’imibereho, Ubukungu, Umuco na Politiki ku isi yose. Kwizihiza uyu munsi bikorwa mu guharanira uburinganire biciye mu birori bitandukanye, ndetse n’ubukangurambaga.

Abafatanyabikorwa ba Shooting Touch mu kwizihiza umunsi Mpuzamahanga w’umugore ni Akarere ka Kayonza, Minisiteri y’ubuzima, Ikigonderabuzima cya Nyamirama, Paper Crown ndetse n’ishyirahamwe Nyarwanda ry’umukino wa Basketball.

Panorama

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.