Louise Mushikiwabo yamaganye Perezida wa Tuniziya wagereranyije abirabura n’inyamaswa

Umunyamabanga Mukuru w’Umuryango Mpuzamahanga w’ibihugu bivuga Igifaransa (OIF), Louise Mushikiwabo, yamagannye yivuye inyuma amagambo ya Perezida wa Tuniziya wageranyije abirabura n’inyamaswa.

Ibi bibaye mu gihe abimukira bakomoka munsi y’Ubutayu bwa Sahara bakomeje guhigishwa uruhindu muri Tunisia kugeza n’aho Perezida w’icyo gihugu, Kais Saied, avuze ko bateye nk’inyamaswa.

Mu kiganiro na TV5 Monde Umunyamabanga mukuru wa Francophonie, Mushikiwabo   ati «Ku bwanjye amagambo ya Perezida wa Tunisia yambabaje cyane nk’umuntu duherukana mu nama iherutse kubera i Jerba. Byambabaje ubwanjye nk’umuntu uturuka munsi ya Sahara, yagereranyije abantu baturuka munsi y’ubutayo bwa Sahara ni inyamaswa”.

Kuri uyu wa mbere tariki 13 Werurwe, i Paris Mushikiwabo yahise ahura n’ambasaderi wa Tunisia amushyikiriza ibaruwa agomba kohereza Perezida Kais Saied ikubiyemo kumugira inama no kumubuza gukomeza gukomeretse abantu bitewe n’uruhu rwabo, nk’uko bikubiye mu mahame y’umuryango Mpuzamahanga w’ibihugu bivuga Igifaransa (OIF), nko kubaha, kwihangana no gufashanya.

Ati «Kuba hari ikibazo cy’abimukira muri Tunisia ntabwo biha Perezida Uburengazira bwo gukoresha imvugo ikomeretsa abantu runaka, yari akwiriye kwikosora ndetse akanasha uburyo bwiza yakemuramo ibibazo bibangamiye igihugu cye.»

Amaze kubona ibaruwa ya Louise Mushiwabo, Perezida Kais Saied yagerageje gusobanura ko atavangura uruhu ahubwo avuga ko bamwe muri abo bimukira baturuka munsi y’ubutayu bwa Sahara baza muri Tunisia mu buryo butemewe ndetse bakanateza umutekano muke.

Panorama