Connect with us

Hi, what are you looking for?

Afurika

Minisitiri Dr Biruta yagejeje raporo y’inama ya 39 ya NEPAD ku nteko rusange ya AU

Dr Vincent Biruta, Minisitiri w’Ububanyi n’Amahanga, wahagarariye Perezida Kagame, mu Nama isanzwe ya 35 y’Abakuru b’Ibihugu na za Guverinoma, bigize Umuryango wa Afurika Yunze Ubumwe_AU; Kuri iki Cyumweru yagejeje ku nteko rusange ya AU, raporo y’inama ya 39 y’Ikigo cy’Umuryango wa Afurika Yunze Ubumwe gishinzwe iterambere_NEPAD.

Iyi nama y’iminsi ibiri, yatangiye ku wa 5 Gashyantare 2022, iteranira I Addis Abebba, mu Murwa mukuru wa Ethiopia. Minisitiri Dr Vincent Biruta yabonanye na bagenzi be ba Algeria, Maroc na Somalia, nko mu bindi bihe bitandukanye, baganira ku butwererane bw’ibihugu.

Inama ya AU yanitabiriwe n’Abakuru b’Ibihugu na za Guverinoma, bigize Ibihugu 55 by’ibinyamuryango bya AU, abayobozi ba Komisiyo ya AU n’imiryango iwushamikiyeho, ndetse n’abahagarariye Imiryango y’Ubukungu mu turere twa Afurika.

Ku murongo w’ibyagombaga gusuzumirwa muri iyi Nama, harimo no kugenzura raporo y’Inama isanzwe ya 40 y’Akanama Nshingwabikorwa, yo ku wa 2 na 3 Gashyantare 2022.

Harimo kwiga ku cyemezo cyo kwakira Israel mu Muryango wa Afurika Yunze Ubumwe, nk’indorerezi ndetse n’intambwe yatewe, mu mushinga wo kuvugurura amategeko.

Iyi nama kandi yitwezweho kwemerezwamo abayobozi batandukanye, barimo Visi Perezida wa Pan African University Council, abanyamuryango 15 bagize Akanama k’Umutekano ka AU, intiti z’abajyanama (Panel of the Wise) n’Umuyobozi wa AUDA-NEPAD.

NEPAD (Ihuriro ry’Ibihugu bya Afurika rigamije Ubufatanye n’Iterambere), igiye guhabwa umuyobozi, nyuma gato y’aho Perezida Kagame, yongerewe igihe cyo kuyobora Ibiro Bikuru byayo; mu Nama ya 39 y’Abakuru b’Ibihugu byibumbiye muri NEPAD, yateranye hifashishijwe ikoranabuhanga ku wa 2 Gashyantare 2022.

Inama y’Abakuru b’Ibihugu bigize AU, kandi irakoreshwa nk’umwanya wo guhuza imbaraga hagati y’ibi Bihugu bya Afurika, hagamijwe kuzahura ubukungu bwashegeshwe na COVID-19.

Ni Inama yabereyemo ihererekanyabubasha, hagati ya Perezida wa Repubulika Iharanira Demokarasi ya Congo, Antoine Félix Tshisekedi wari umaze umwaka ayobora AU, ndetse n’uwamusimbuye, Macky Sall, Perezida wa Sénégal.

Dr Vincent Biruta, Minisitiri w’Ububanyi n’Amahanga

Minisitiri w’Ububanyi n’Amahanga, Dr Vincent Biruta, yagejeje ku bitabiriye iyi nama, raporo ku ivugururwa ry’inzego ndetse n’iy’inama ku miyoborere muri Afurika, hibandwa ku ishoramari mu buzima. Inteko rusange ya 35, y’Umuryango wa Afurika Yunze Ubumwe yasojwe kuri iki Cyumweru.

UMUBYEYI Nadine Evelyne

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.