Connect with us

Hi, what are you looking for?

Inkuru nyamukuru

Mufti Hitimana yasabye Abayisilamu kwizihiza Ilayidi bakomeza kwirinda COVID-19

Mufti w’u Rwanda, Sheikh Salim Hitimana yibukije Abayisilamu, gukomeza kwirinda icyorezo cya Covid-19 cyugarije isi n’u Rwanda muri rusange.

Yabitangaje ubwo hizihizwaga umunsi mukuru wa Eid al-Fitr, umunsi usoza Igisibo Gitagatifu cya Ramadhan.

Ni isengesho ku rwego rw’igihugu ryabereye kuri Sitade ya Kigali, nyuma y’imvura nyinshi yazindutse igwa mu turere tunyuranye tw’igihugu.

Yavuze ko muri ibi bihe byo kwirinda COVID-19, Abayisilamu babizi neza ko icyo cyorezo cyugarije isi n’u Rwanda by’umwihariko, aho ibijyanye no gusabana no gutumirana bihuriza abantu benshi hamwe, byirindwa kandi barinda n’abandi.

Mufti w’u Rwanda, yatangaje ko n’ubwo isengesho risoza igisibo cya Ramadhan ryabaye mu bihe bidasanzwe aho igihugu gihanganye n’icyorezo cya COVID-19, ko bitabujije igisibo gusozwa neza aho bakoze isengesho bubahiriza amabwiriza yo kwirinda icyo cyorezo.

Mu kwirinda ikwirakwizwa rya COVID-19, Mufti Hitimana yavuze ko ahateguwe gusengerwa hari umubare wa ngombwa wagenwe, hagamijwe kwirinda icyo cyorezo ndetse bubahiriza n’andi mabwiriza ajyanye no kwirinda COVID-19.

Agira ati “Uko byari biteguye, ni uko ahasengerwaga hari umubare wa ngombwa wagenwe, nko kuri Sitade i Nyamirambo ari na ho hakorewe isengesho ku rwego rw’igihugu hari abantu 500, ku buryo hagati y’umuntu n’undi harimo metero eshatu, kandi uwaje gusenga akizanira igikoresho cye akoresha iyo arimo gusenga”.

Arongera ati “Hari amazi yo gukaraba ndetse na ya miti yica udukoko, ndetse hari n’abafasha kugira ngo hatabaho umuvundo, abantu bubahiriza ya ntera hagati y’umuntu n’undi ku murongo”.

Abayisilamu bitabiriye isengesho hirya no hino mu gihugu bagaragaje ko uku kwezi kwa Ramadhan basoje bungukiyemo byinshi, birimo kugira impuhwe no gusaba Imana imbabazi ariko banafasha bagenzi babo bafite ibibazo.

Umwe ati “Muri uku kwezi kwa Ramadhan cyane ko ari ukwezi kw’impuhwe n’umugisha ndetse no gusaba Imana cyane ko itubabarira mu byo ducumura, Umuyisilamu yagerageje kwitwararika.

Twagerageje gufasha bagenzi bacu nk’umuco wacu dusanganywe. Ni ukuvuga ko icyo wabaga ufite cyo kurya wageragezaga kukigeza kuri mugenzi wawe, kandi si ku Muyisilamu gusa, twanagerageje kwirinda Covid-19.”

Mugenzi we ati “Ni Igisibo twasibye mu buryo budasanzwe, kuko ubwo twagisozaga twajyaga twifatanya n’abavandimwe, ariko muri iki gihe ntibikunda kubera iki cyorezo cya COVID-19, ariko Abayisilamu ntibitubuza gufasha, ufite icyo atanga agakoresha mobile money akoherereza mugenzi we, turashima Imana ko iki Gisibo cyagenze neza, turasabira igihugu cyacu umugisha, tugasaba ko n’iki cyorezo cyagenda burundu”.

MUNEZERO JEANNE D’ARC

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.