Connect with us

Hi, what are you looking for?

Rwanda

Nyamagabe: Abayobozi batanze inama y’ubufatanye mu kwesa umuhigo wa Mituweli

Bamwe mu Banyamabanga Nshingwabikorwa b’Utugari, twahembewe kuba utwa mbere mu gutanga umusanzu w’ubwisungane mu kwivuza, mu Murenge wa Gasaka w’Akarere ka Nyamagabe, batangaje ibanga bakoresheje banagira inama bagenzi babo, yo gukorana n’inzego bafatanyije kuyobora kugira ngo bazabashe kwesa imihigo.

Aba bayobozi b’Utugari babitangaje, ubwo bahembwaga hamwe n’ab’Imidugudu 10 bahize abandi, mu Murenge wa Gasaka; Ari na wo wabaye uwa 1 mu Karere ka Nyamagabe, mu gutanga ubwisungane mu kwivuza, mu mwaka w’ingengo y’imari 2021-2022, uri kugana ku musozo, hanatangizwa ku mugaragaro gutanga ubwisungane mu kwivuza bw’umwaka wa 2022-2023.

Kabera Marthe, Umunyamabanga Nshingwabikorwa w’Akagari ka Nyabivumu kabaye aka mbere, muri 92 tugize Akarere ka Nyamagabe, yashimiye abaturage uko bumvise neza akamaro k’ubwisungane mu kwivuza, anagira inama bagenzi be bafatanya kuyobora.

Yagize ati “Ni byiza kuba duhembwe, abaturage nyoboye ndabashimiye. Inama nagira abandi bayobozi, nk’ibanga twakoresheje muri Nyabivumu, ni ugukorana neza n’inzego ziri mu Kagari kuva ku masibo, hagamijwe kwesa imihigo mu bwisungane mu kwivuza, buri wese akabigira ibye; ni byo byadufashije hamwe no kwibumbira mu matsinda.”

Bagambiki Jean Pierre, uyobora kamwe mu Tugari twaje imbere, na we yishimiye guhemberwa kwesa imihigo, anatanga inama ku gufatanya no gukomeza kwimakaza umuco w’ubunyangamugayo nk’abayobozi.

Ati “Kuba Akagari nyoboye na ko gahembwe, ni byiza. Inama nagira bagenzi banjye, ni ugushyira hamwe, kuva kuri buri rwego no gukomeza kuba inyangamugayo. Mu gihe umuturage abahaye amafaranga y’Ubwisungane mu kwivuza, bakayishyura byihuse, bakamuha inyemezabwishyu, agakomeza kubagirira ikizere. Ni byo bizabafasha kwesa imihigo, muri Mutuelle.”

Abayobozi b’Imidugudu 10 yahize iyindi, mu Tugari twa Ngiryi na Nyabivumu, bahembwe amagare yo gukomeza kubafasha mu bukangurambaga. Aya magare yatanzwe ku bufatanye n’amafanyabikorwa batandukanye, buri rimwe rikaba rifite agaciro k’amafaranga y’u Rwanda ibihumbi 110.

Amagare yashyikirijwe abayobozi b’Imidugudu yesheje umuhigo wa Mituweli

Umuyobozi w’Akarere ka Nyamagabe wungirije ushinzwe imibereho myiza y’abaturage, Uwamariya Agnes, yashimye Abayobozi babaye indashyikwirwa, abasaba gukomeza gukora n’abandi bakabigiraho.

Ati “Utundi Tugali n’Imidugudu, isomo byafatira kuri ibi byo muri Gasaka, ni ugutangira kare gutanga ubwisungane mu kwivuza, hirindwa gukerererwa; kugira ngo hatazagira urembera mu rugo yabuze ubwisungane mu kwivuza, kuko akamaro n’umusaruro byo kubugira bigaragarira buri wese, icyarimwe no gukomeza kuba indashyikirwa mu kwesa imihigo.”

Umurenge wa Gasaka ni umwe muri 17 igize Akarere ka Nyamagabe, ukaba utuwe n’abaturage 26867, barimo 18699 biyishyurira ‘Mutuelle de sante’ naho 4253 bakaba bari mu kiciro kiyitangirwa, mu gihe abasaga 3915 bivuriza ku bundi bwishingizi.

Umurenge wa Gasaka wabaye uwa mbere mu Karere ka Nyamagabe, mu gutanga ubwisungane mu kwivuza bw’umwaka 2021-2022, ku ijanisha rya 104%.

Abitabiriye igikorwa cyo gushimira abayobozi bahize abandi

Akarere ka Nyamagabe kaje ku mwanya wa 7 muri 30 tugize Igihugu, mu gutanga ubwisungane mu kwivuza 2021-2022, ku ijanisha rya 88%, no ku mwanya wa 4 mu Ntara y’Amajyepfo. Ubu aka Karere ni aka mbere mu Ntara, mu gutanga Mituweli ya 2022-2023.

Rukundo Eroge

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.