Connect with us

Hi, what are you looking for?

Inkuru nyamukuru

Nyamagabe: Ibyumba by’amashuri bishya byitezweho kuzamura ireme ry’uburezi

Mu murenge wa Kibumbwe mu karere ka Nyamagabe hubatswe ibyumba bishya by’amashuri 28 n’ubwiherero 60. Ibi byumba ngo byitezweho kugira uruhare mu kuzamura ireme ry’uburezi.

Ababyeyi bizeye ko ibi byumba bishya bizatuma ibigo by’amashuri bizazamura imitsindire y’abanyeshuri.

Ngizwenayo Dominique, umubyeyi urerera kuri kimwe mu bigo by’amashuri abanza bibarizwa muri uyu murenge yavuze ko nk’umubyeyi yishimiye ibi byumba byubatswe.

Avuga ko bigiye gufasha abana babo kwiga neza, badacucitse bikazabageza ku ntsinzi ishimishije.

Umunyeshuri uhagarariye abandi ku ishuri ribanza rya Gakanka, Isingizwe Carine yavuze ko nk’abanyeshuri baruhutse byinshi kubera ibi byumba.

Ati:” Mbere twigaga nabi, ducucitse, ari uko ubu turimo  kwiga neza cyane, twisanzuye. Ababyeyi, abarezi n’Igihugu, turabashimira kandi batwitegeho umusaruro ushimishije kuko natwe badukoreye ibyo twari dukeneye”.

Umuyobozi wungirije w’Ishuri ribanza rya Gakanka Mutarambirwa Elias William yavuze ko nk’abarezi ibi byumba by’amashuri byuzuye bizabageza kuri  byinshi birimo n’intsinzi ishimishije.

Ku  kigo cy’Ishuri rya Gakanka ngo mbere y’uko ibyumba byuzura, ubucucike bwari bwinshi.

Mutarambirwa avuga ko mbere wasangaga ishuri ririmo nk’abana 51 ariko ubu ni  hagati ya 39 na 40.

Umunyamabanga Nshingwabikorwa w’Umurenge wa Kibumbwe  Gasore Jean Claude yavuze ko ibi byumba by’amashuri byuzuye muri  uyu murenge bigiye kugira uruhare mu kuzamura ireme ry’uburezi ndetse no kongera ikigero cy’intsinzi.

Yagize ati:” Ibi byumba tubyitezeho umusaruro mwinshi ku ireme ry’uburezi, biturutse ku kugabanuka k’ubucucicye mu mashuri. Abanyeshuri n’abarezi n’ababyeyi muri rusange bakomeze gukora bashyizeho umuhate, twizeye intsinzi ishimishije mu banyeshuri bava mu mwaka bajya mu wundi ndetse n’abakora ibizamini bya Leta”.

Muri uyu murenge kandi hatangijwe Urwunge rw’Amashuri rwa Kinyana, rwitezweho kugabanya ingendo abanyeshuri bakoraga bajya kwiga kure.

Mu mwaka w’Ingengo y’Imari ushize, 2020-2021,  warangiye mu murenge wa Kibumbwe hubatswe ibyumba by’amashuri 28 n’ubwiherero 60  ku bigo 4.  

RUKUNDO EROGE

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.