Connect with us

Hi, what are you looking for?

Ubuhinzi

Nyamasheke: Barataka igihombo baterwa n’abamamyi ba kawa

Bamwe mu bafite inganda zitunganya kawa barasaba ubuyobozi kubafasha guca ikibazo cy’abamamyi.

Bavuga ko barimo kubateza igihombo gishobora gutuma izo nganda zifunga imiryango.

 Icyakora ubuyobozi bw’Akarere buvuga ko iki kibazo bwakimenye kandi bwatangiye kugikurikirana.

Mu karere ka Nyamasheke kugeza ubu, hari inganda za kawa 60. Zitunganya umusaruro wa kawa wera ku biti 13,032,232 bingana na 15% by’ibiri mu gihugu cyose.

Ibyo biti bihinze ku buso bungana na hegitari 5.21, nkuko bigaragazwa n’ibarura ryakozwe muri 2015.

Bamwe mu baturage bazwi nk’abamamyi ba kawa (Ni ukuvuga abagura kawa n’abaturage batabyemerewe, bakanabahenda ku minzani) baca mu rihumye inganda zitunganya kawa zisanzwe ziyigurira abaturage, bakayigura nabo ku giciro kiri hejuru y’icy’inganda ariko bagakoresha iminzani itujuje ubuziranenge.

Abaturage bibwira ko bahawe amafaranga menshi, ariko bibwe ku biro. Umumamyi wa kawa akaba ariwe ubyungukiramo.

Kubera abamamyi, Inganda zitunganya ikawa muri aka karere zatangiye kubura iyo zitunganya.

Bivugwa ko iki kibazo gihari giterwa no kuba iyo umumamyi amaze gukusanya ikawa yose yo mu gace runaka, ategeka uruganda kuyimugurira ku giciro runaka ashaka, rwabyanga akayijyana ku rundi ruri nko mu wundi Murenge kandi narwo rukamuha ku giciro yifuza.

Umwe mu bafite inganda yagize ati “Hari inganda zikoresha abamamyi, umumamyi akaba ari hagati y’uruganda n’umuhinzi noneho rwa ruganda rugatuma umumamyi muri zone y’urundi ruganda. Wa mumamyi niba aziranye n’abahinzi akabahamagara. Ikibazo kiba gikomeye ni ugushyiraho ibiciro !

Ibiciro bikaba bimwe, niba hatangazwa igiciro fatizo, hagatangazwa n’igiciro ntarengwa. Kuko iyo bavuze ngo amafaranga atagomba kujya hasi ni aya, biba bivuze ko hejuru yayo nta kibazo. Ibyo nibyo bitera guhangana kwa hato na hato.”

Visi Meya Muhayeyezu Joseph Désire ; ushinzwe iterambere ry’ubukungu mu karere ka Nyamasheke yatangarije Itangazamakuru atiIcyo kibazo turakizi kuko tumaze iminsi tugikurikirana. Inganda ni nyinshi ugereranyije n’umusaruro uhari. Usanga rimwe na rimwe abo bita abamamyi bahenda abaturage ndetse bakanahenda n’inganda, turacyakurikirana.”

Yongeraho koIki kibazo ni ingaruka ikomeye kuri ejo hazaza h’ikawa. Kandi bishobora no guteza ibihombo abanyenganda. Ni ibyo tugomba gukurikiranira hafi, twafashe umwanzuro wo gukuraho abitwa abamamyi kandi twizeye yuko ubuyobozi bwacu bwiza buza kubiha umurongo, na NAEB ikagira icyo ikora vuba kugira ngo dufatirane isoko rye kuyoborwa n’abamamyi cyangwa se ba rusahurira mu nduru biba abaturage n’inganda.”

Ubusanzwe igiciro cya kawa y’ibitumbwe ku ruganda, NAEB yavuze ko icyo hasi ari 410Frw, ariko muri aka karere hari n’inganda ziyigura n’abamamyi kuri 500Frw, 600Frw, 700Frw ndetse no kugera kuri 800Frw.

Mu mabwiriza NAEB iherutse gushyira hanze, harimo ko uzongera kumama ikawa azajya ayakwa ndetse agacibwa n’amande mu gihe uruganda rwo rushobora no gufungwa mu burundu.

MUNEZERO JEANNE D’ARC

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.