Connect with us

Hi, what are you looking for?

Uburezi

Nyanza: Ambasade ya Israel mu Rwanda yahembye abatsinze neza ibizami bya Leta

Ambasade ya Israel mu Rwanda yahembye abanyeshuri bo mu Ishuri ryisumbuye rya Nyanza (Ecole Secondaire de Nyanza) batsinze neza ibizami bisoza amashuri yisumbuye. Mu banyeshuri bahembwe, buri umwe yahawe mudasobwa ngendanwa (Laptops).

Abahembwe baremeza ko izi mashini zizabagirira  akamaro, kuko batangiye kuzifashisha mu kumenya amakuru atandukanye arebana n’amasomo bateganya kwiga mu minsi iri imbere.

Byishimo Benoit wize Ubutabire, Imibare n’Ubumenyi bw’Isi akaba yaragize amanota 73 yavuze ko iyi mashini yahembwe irimo kumufasha kumenya amakuru ibijyanye na za Kaminuza ateganya kwigamo.

Yagize ati” Nshimiye Ambasade ya Israel mu Rwanda yaduhembye. Iyi mashini nahawe,  iramfasha, nyikoresha  mu gushaka amakuru y’aho nakwiga n’ibindi bigezweho. Izangirira akamaro gakomeye mu gihe nzaba ngeze muri kaminuza, haba mu kwiga no gukora ubushakashatsi butandukanye”.

 Uyu munyeshuri yakomeje asaba bagenzi be bakiri inyuma kwiga bashyizeho umwete, na bo bakazahembwa bakumva ibyishimo n’ishema umuntu agira iyo yahembwe.

Iradukunda Charles mu bahembwe  yavuze ko yishimiye igihembo yahawe cya mashini, kuri ubu avuga ko yatangiye kubyaza umusaruro.

Yagize ati” Kuba twarahembwe ndishimye. Iyi mashini yatangiye kumbyarira umusaruro, impa amakuru atandukanye ariko by’umwihariko nyitezeho kuzamfasha kwiga neza kaminuza nkanabasha kujya nkora ubushakashatsi butandukanye”. 

Umuyobozi wa Ecole Secondaire de Nyanza Ndahimana Appolinaire yavuze ko izi mashini zahawe, aba bana batsinze neza ari ingirakamaro kuri bo n’imyigire yabo y’ahazaza ndetse na barumuna babo; mu kubongerera imbaraga n’umuhate mu masomo ya bo kugira ngo na bo bazatsinde neza, bahembwe. 

Yagize ati” Ni by’ ingenzi kugirana ubufatanye n’Ambasade  ya Israel mu Rwanda kandi birakomeza kudufasha n’abana bacu y’aba abiga n’abatakiga hano, bahembwe bagakomereza ahandi. Turizera ko abahembwe bazafata neza ibihembo bahawe bakanakomeza kubibyaza umusaruro mu buryo butandukanye nkuko batangiye kubikora kuko nabo bazi neza akamaro kabyo ubu ndetse no mu munsi izaza bari mu makaminuza”.

Ambasaderi wa Israel mu Rwanda Dr Ron Adam yishimiye iki gikorwa cyakozwe, yizeza ko ubu bufatanye buzakomeza.

Yagize ati “Nishimiye kongera guha mudasobwa abanyeshuri batatu bitwaye neza kurusha abandi mu bizamini bya Leta bisoza amashuri yisumbuye. Mu gihe cyose nkiri muri izi nshingano, iyi gahunda tuzakomeza kuyikora buri mwaka muri iki kigo.  Ndizera ko iki gikorwa kizakomeza gutera ishyaka abanyeshuri ngo bakore neza, kandi n’izi mudasobwa zikabafasha kwagura ubumenyi bwabo.”

Ubu bufatanye bwa ES Nyanza n’Ambasade ya Israel mu Rwanda bumaze imyaka ibiri kandi burakomeje. Kuri iyi nshuro hahembwe abanyeshuri batatu bahabwa imashini nyuma y’abahembwe umwaka ushize n’abarimu bo kuri iki kigo bahawe imashini 12.

RUKUNDO EROGE

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.