Connect with us

Hi, what are you looking for?

Uburezi

Nyarugenge: abagizweho ingaruka na COVID-19 bishyuriwe ishuri

Abana bagizweho ingaruka na COVID-19 bishyuriwe amafaranga y’ishuri n’Umuryango witwa ‘Tumukunde Initiative’ usanzwe ufasha abana bavukanye ubwandu bw’agakoko gatera SIDA ndetse n’abandi bafite ibibazo bitandukanye.

Iki gikorwa cyabaye ubwo hakorwaga ubukangurambaga ku gufata inkingo no guhangana n’ingaruka za COVID-19, byakorewe muri GS Kimisagara.

Abana bafashijwe bavuga ko bajyaga birukanwa kubera kubura amafaranga y’ishuri.

 Bahamya ko bashimishijwe nuko babonye Umuryango ugiye kubishyurira bakabasha kwiga neza.

Gitangaza Fiona wiga mu mwaka wa 1 w’amashuri yisumbuye yagize ati “Mbere ya Koronavirusi, Papa yari afite akazi ko gucuruza inkweto ariko aho iziye ntiyabasha kongera kuzicuruza, mu myigire nta mafaranga y’ishuri yabonekaga bagahora banyirukana no mu rugo simbone amafunguro.’’

Nsengiyumva Emmanuel nawe ati “Mbere, ya COVID-19 Mama yari afite akazi nyuma Papa aza gupfa, kwiga bikangora kubera guhora nirukaniwe kubura amafaranga y’ishuri, ngatsindwa kubera ko abandi bigaga nasibye ariko ubu ndishimye kandi njyiye kwigana umwete nsinde nzaheshe ishema Mama.’’

Umuyobozi wa Groupe Scolaire Kimisagara, Nsengiyumva Charles yagize ati “Impamvu hatoranijwe aba bana babiri ni uko ari bo bagizweho ingaruka zikomeye na COVID -19 harimo uwapfushije umubyeyi, hari n’undi ababyeyi batakaje akazi kubera ingaruka za COVID-19, ariko iyo urebye usanga hari n’abandi bafite ibibazo. “

Umunyamabanga Nshingwabikorwa wa Tumukunde Initiative Nzabanterura Eugene avuga ko bafashije abana babiri biyongereye ku bo bari basanzwe bafasha ku bufatanye n’ibigo bigaho ariko ko bagiye gukora ubuvugizi ku bandi bana batiga kubera ingaruka za COVID-19.

Yagize ati “Bariya bana turabishyurira ishuri umwaka wose niba hari n’ibirarane turabyishyura ariko bakomeze bige kuko COVID-19 yabagizeho ingaruka, icyo ni cyo twebwe dushoboye gukora ariko tuzakomeza dukore ubuvugizi kugira ngo n’abandi baba bahari babe bafashwa.”.

Kuri uyu munsi kandi hatanzwe ubutumwa burebana no gukangurira abantu gufata urukingo rwa COVID-19 nk’intwaro ikomeye mu gutsinda iki cyorezo.

Ubukangurambaga bugira buti “Dutangiye umwaka wa gatatu turwana na COVID-19, intsinzi ni urukingo kuri bose”.

 Muri Groupe Scolaire Kimisagara higamo abana 4000 muri bo 876 biga mu ishuri ryisumbuye bamaze gufata byibuze doze 2 z’inkingo, naho 1800 biga mu mashuri abanza, 2 ni bo batarafata urukingo na rumwe ku mpamvu ngo z’ababyeyi babo bakibitekerezaho.

MUNEZERO JEANNE D’ARC

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.