Connect with us

Hi, what are you looking for?

Amakuru

PS Imberakuri irifuza kwiharira imyanya yose y’abadepite  

Ishyaka PS Imberakuri ryashyikirije Komisiyo y’Igihugu y’Amatora urutonde rw’abazarihagararira mu matora y’Abadepite ateganyijwe muri Nyakanga 2024.

Ibyangombwa byaryo byatanzwe na Perezida w’Ishyaka PS Imberakuri, Hon. Mukabunani Christine, wakiriwe na Perezida wa Komisiyo y’Igihugu y’Amatora, Oda Gasinzingwa. Yazanye urutonde rw’abantu 80 iri shyaka rikaba riciye agahigo kuko ari ryo ribashije gutanga umubare munini w’abashaka kwinjira mu Nteko Ishinga Amategeko, Umutwe w’Abadepite.

Iri shyaka risanzwe rifite imyanya 2 mu nteko ishinga Amategeko Umutwe w’Abadepite, Mukabunani na Niyorurema Jean-René, rivuga ko ryifuza kongera umubare w’abarihagararira mu nteko kuko ngo ubwo bushobozi burahari.

 Mu byangombwa yatanze habuzemo inyandikomvugo y’abagize ubutegetsi bw’ishyaka yemeje urutonde rw’abantu 80 batanzwe, gusa Mukabunani yemeje ko bazahita bayizana.

Iri shyaka riherutse gutangaza ko ku birebana n’amatora y’umukuru w’igihugu ko nta mukandida bazatanga ndetse nta n’umwe bazashyikigira nk’uko andi mashyaka yamaze kubigenza.

Hon Mukabunani agira ati “Twe nta mukandida tuzashyigikira kandi nta n’uwo tuzatanga ariko umuyoboke wacu yatora uwo ashaka.”

Aha uyu muyobozi avuga ko bifuza kubanza bakabona ko abanyarwanda babafitiye icyizere cyo kubahagararira mu nteko hanyuma iby’umukuru w’igihugu bakabirebaho nyuma.

Amashyaka nka FPR Inkotanyi, PL, PSD, Green party, PDI yamaze gutanga urutonde rw’abo bifuza ko baba abakandida –Depite.

Ku mwanya w’Umukuru w’Igihugu, hamaze gutangwa kandidatire eshatu: iya Paul Kagame uhagarariye Umuryango FPR Inkotanyi, Dr Frank Habineza wa DGPR (Green Party) n’umukandida wigenga, Manirareba Herman.

Raoul Nshungu

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities