Connect with us

Hi, what are you looking for?

Ubuzima

Rubavu: Kwibasirwa na COVID-19 byatumye biga uburyo bahangana n’ibindi byorezo

Abaganga bashinzwe ubuvuzi rusange harimo n’ishami ridasanzwe ry’ibyorezo, bemeza ko ubukana n’umuvuduko COVID-19 yazanye byabasigiye ubunararibone, barushaho kwigirira icyizere ko bashobora guhangana n ikindi cyorezo gitunguranye.

Mu rwego rwo kurwanya ikwirakwiza rya COVID-19, Minisiteri y’Ubuzima (MINISANTE) n’Ikigo cy”igihugu cyita ku buzima (RBC) byashyize imbaraga nyinshi mu guhugura abanganga bo mu Karere ka Rubavu, uburyo barushaho kwita ku bantu banduye ndetse no gukumira ubwandu bushya bwashoboraga guturaka hakurya kuri Goma muri Repubulika ya Demokarasi ya Congo.

Abashinzwe ubuzima ku ruhande rw’u Rwanda nta cyizere bari bafite ku bantu baturuka hakurya bitewe n’uko ingamba zari zafashwe ku mpande zombi zitari zimwe.

Umuyobozi Mukuru w’Ibitaro bya Rubavu, Dr Oreste Tuganeyezu, aganira n’abanyamakuru bimbuye mu Ishyirahamwe rirwanya SIDA (ABASIRWA) agira ati “Hano habaye umwihariko ukomeye bitewe n’uburyo abaturage b’iyi mijyi ibiri bahahirana, bigatuma bahura cyane. Niyo mpamvu twagombaga gufata ingamba zikomeye tugamije kurinda abaturage bacu n’ubwo byabagizeho ingaruka zikomeye.”

Yavuze ko izo ngamba zihariye zafashwe ku mipaka zajyanaga n’umwihariko kandi n’ubu mu gihe hakurya havugwa icyorezo nka Ebola, nta kabuza ko abantu baturutse yo binjira mu Rwanda bagomba kubanza gupimwa neza.

Ushinzwe serivise ya yakira abantu bagomba gushyirwa mu kato (Isolation) mu Bitaro Bikuru bya Rubavu, Irambona Delfin, avuga ko mu rwego rwo kurwanya ikwirakwiza rya Covid-19, mu mwanya muto hahise hashyirwaho ikipe ishoboye gusuzuma abantu ako kanya (Rapid Test) kandi ifite laboratwari yuzuje ibisabwa.

Ati “Ntabwo ari ibyo gusa kuko hahise hanaboneka imbangukiragutabara ifitemo serivise z’ingenzi zo gusuzuma, kwita ku murwayi mu gihe abonetse, ndetse no kumutwara ku bitaro vuba na bwangu, nk’ uko ibitaro bikuru bya Rubavu byifashishije Ikigo Nderabuzima cya Rugerero.”

Irambona akomeza avuga ko uko kwibasirwa na COVID-19 mu buryo butunguranye, byatumye hategurwa amahugurwa ahoraho y’igihe gito, atoza abaganga uburyo bahora biteguye kuvura abarwayi mu gihe cyose igihugu cyaba cyarengewe n’umubare munini w’abantu bitewe n’icyorezo runaka cyaba cyadutse.

Nyuma ya buri byumweru bibiri, mu Bitaro bikuru bya Rubavu, hategurwa inama nyunguranabitekerezo itegura abaganga guhora biteguye guhangana n’icyorezo cyose cyatera.

Gaston Rwaka

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.