Mu biganiro Perezida wa Repubulika y’u Rwanda Paul Kagame yagiranye n’itsinda ry’abantu bari boherejwe na kompanyi y’Abanyamerika ‘Starbucks Coffe Company’ icuruza n’ikawa y’u Rwanda, umuyobozi wungirije muri iyo kampani, Craig Russell yavuze ko bazakomeza guteza imbere iki gihingwa kandi bagateza imbere n’aho gihingwa.
Mu biganiro Perezida Kagame yagiranye na bamwe mu bakozi ba Starbucks
Perezida Kagame yakiriye iri tsinda ku gicamunsi cy’uyu wa gatatu tariki 6 Gicurasi, mu biro bya Perezida muri Village Urugwiro.
Gerardine Mukeshimana Minisitiri w’Ubuhinzi n’Ubworozi yabwiye abanyamakuru ko ibiganiro bya Perezida n’itsinda ry’abakozi 20 ba Starbucks bari kumwe na bamwe mu bayobozi b’iyi kompanyi, byibanze ku bufatanye n’umubano bafitanye n’u Rwanda.
Ati “Bashimishijwe no kuba babonanye na Perezida, kandi Perezida yababwiye ko umubano w’u Rwanda na Starbucks uri hejuru yo gucuruza ikawa kuko igikuru ni inyungu bigira ku baturage.”
Mukeshimana yavuze ko Starbucks muri uyu mwaka izagura ikawa y’u Rwanda ingana n’imifuka 14 400.
Craig Russell, umuyobozi wungirije wa Starbucks yavuze ko bazakomeza gukorana n’u Rwnda mu kugura ikawa no guteza imbere abaturage.
Uru rugendo rw’abakozi ba Starbucks ruri mu rwego rw’uko iyo Kompani yohereza bamwe mu bayikorera buri mwaka bakagera aho ikawa ihingwa.
Mu mwaka ushize wa 2014, abakozi b’iyi kompanyi baje mu Rwanda mu rwego rwo gutaha ivuriro bubakiye abaturage muri Bicaca, muri Karenge Iburasirazuba.
Uretse iki gikorwa, Starbucks yatanze ibikoresho by’ubuvuzi mu ivuriro rya Nyamyumba mu karere ka Rubavu.
Iyi kompanyi yatangiye kugura ikawa mu Rwanda mu 2004, mu 2009 yashinze ikigo gihugura abahinzi ku kwita ku musaruro w’ikawa, abagera ku 50 000 bahuguriwemo.
Mu 1971 ni bwo iyi kompanyi yashinzwe, ku isi icuruza ikawa ikaba ifite ubuhunikiro bugera ku 21, 536 hirya no hino ku isi, by’umwihariko muri Amerika ihafite 12 218.
Minisitiri Mukeshimana yavuze ko umwihariko w’iyi kompanyi, ari uko icuruza ikawa y’u Rwanda mu buryo buboneye, ikagera ku isoko ari umwimerere wayo itavangiwe n’izindi.
Ikipe y’abakozi Starbucks bakiriwe na Perezida Kagame uyu munsi
Bavuze ko bashimishijwe no gufatanya n’u Rwanda kuzamura ubucuruzi bwa kawa
Nyuma y’ifoto rusange nabo yabasezeyeho buri umwe umwe asubira mu kazi
Bamugaragarije ko bishimiye umwanya yabahaye
Photos/A E Hatangimana/UMUSEKE
HATANGIMANA Ange Eric
UMUSEKE.RW
john rutamu
May 6, 2015 at 14:05
Nibyo starbucks ikora ibyo bita commerce equitable.
Ariko se mwabadusabiye byibura bagafungura aga coffee shop kamwe muri kigali byibura ? Byanashoboka bakagira more than one coffee shopp ? Mbasabiye ikibanza cyo gucururizamo muri aiport ya bugesera niyuzura.
Seriously speaking starbuck igira coffee nziza wumva ari umwimerere iyo uyinyweye mu mahanga wumva ari ikawa koko imeze nkiyinaha binyuranye nizo wanywa muyandi ma coffe shop baba bavanzemo ibindi bintu.
futuringafrica
May 6, 2015 at 14:33
@John ushaka ko starbuck ifungura mu rwanda shop ushobora kubasaba gukorana nabo franchise, muri europe kugirango ngo mufatanye gufungura shop bagusaba kuba ufite capital nkiya 300 mille € muri africa sinzi capital basaba. Magic Johson yahoze akina basketball yari afite shops zirenga 100 yakoze mu bufatanye na Starbucks.starbucks nyinshi ziri mu migi yo ku isi aba ari izabafatanya bucuruzi nayo.
Munyarwanda
May 6, 2015 at 15:10
Muvuze ibitekerezo n’inama byiza cyane mwembi…
kanuma
May 6, 2015 at 15:48
gukorana nabo byatumye umusaruro wa kawa yoherezwa mu mahanga uba mwinsho bityo turashishikariza gukomereza aho
jo bar
May 8, 2015 at 05:52
kuri izi mbuga zo mu Rwanda nibwo bwa mbere nabona comments z’abantu b’abagabo badatukana.mukomereze aho!
big dildos
May 23, 2016 at 12:26
PM06Ai This is one awesome article.Really thank you! Awesome.
for more information
June 10, 2016 at 18:16
Thanks for sharing, this is a fantastic article post.Thanks Again. Really Cool.
for more information
June 27, 2016 at 17:25
Major thanks for the blog article.
cruises from Sydney
July 3, 2016 at 19:52
Thanks a lot for the article post.Really looking forward to read more.