Connect with us

Hi, what are you looking for?

Ibidukikije

Ubucukuzi bw’amabuye butanoze bubangamiye imikorere y’urugomero rwa Nyabarongo

Amazi y’urugomero rwa Nyabarongo akomeje kugabanuka bitewe n’ubucukuzi bw’amabuye y’agaciro burimo gukorwa mu buryo butanoze.

Muri rusange ikibazo gihari, kijyanye n’uko ahabikwa ayo mazi cyangwa se ‘reservoir’y’amazi igenda igabanuka bitewe n’impamvu zirimo n’ubucukuzi bw’amabuye y’agaciro.

Iki kibazo cyahagurukije inzego zitandukanye zo mu Ntara y’Amajyepfo ndetse n’ubuyobozi bw’Akarere ka Ngororero mu ntara y’Iburengerazuba, REG, Sosiyete y’ingufu z’amashanyarazi ndetse na RMB, Ikigo gishinzwe Mine, Peteroli na Gazi,  kugira ngo gishakirwe umuti.

Umuyobozi w’Urugomero rwa Nyabarongo Musabyimana Jean de Dieu avuga ko ubucukuzi bw’amabuye y’agaciro bukorwa mu buryo bwangiza ibidukikije, imigezi izana imicanga n’imirimo y’ubuhinzi ari byo byuzuza iyo ‘reservoir’ bigatuma amazi agabanuka.

Ati: “Iyo reservoir igabanutse n’umusaruro uruganda rutanga uragabanuka. Ikindi gituma agabanuka no mu gihe imvura irimo kugwa huzura vuba bikaba ngombwa ko ya mazi tuyarekura akagenda kuko aho yakagiye haba hari imicanga.”

Abacukuzi b’amabuye y’agaciro barasabwa kubukora mu buryo bunoze kugira ngo bitangiza imikorere y’urugomero rwa Nyabarongo.

Umugenzuzi wa Mine mu kigo gishinzwe Mine, Peteroli na Gazi, RMB, Bagirijabo Jean D’amour avuga ko bafatanyije n’izindi nzego biteguye kubuza umuntu uwo ari we wese wagira uruhare mu kumena ibitaka biva mu birombe bye muri  Nyabarongo.

Ikindi n’ubwo ingamba zari zisanzweho, avuga ko bagiye kurushaho kuzikaza

Kampani 4 zose zikora ubucukuzi hafi ya Nyabarongo zamenyeshejwe ikibazo kirimo kuvugwa, hazanagenzurwa koko niba zibifitemo uruhare, izibikora zihanangirizwe.

Guverineri w’Intara y’Amajyepfo Kayitesi Alice avuga ko basanze umugezi utabungabunzwe neza, haba ku bijyanye n’imirwanyasuri, ibiti by’imigano byagabanutse. Hari kandi ubucukuzi bw’amabuye y’agaciro butubahiriza amabwiriza bigatuma baroha imicanga muri Nyabarongo.

Asanga iki kibazo kitagomba gukemurwa n’umuntu umwe, bityo hakenewe ubufatanye bw’inzego zitandukanye.

Ku bijyanye n’ubucukuzi, avuga ko abatekinisiye basabye ko hakorwa izindi damu zifasha kuyungurura amazi yinjira muri Nyabarongo ndetse zikanagabanya imyanda ijyamo.

Kimwe mu byihutirwa, uturere tugiye gutangira gukemura ni uko mu muganda usoza uku kwezi, biyemeje ko bazashyira imbaraga mu gukora imirwanyasuri ahegereye urugomero, hanaterwe imigano.

Urugomero rwa Nyabarongo rutanga megawati 28 zinjijwe mu muyoboro mugari w’igihugu.

UWIMANA DONATHA

Click to comment

Leave a Reply

Your email address will not be published.

Izindi wakunda

Amakuru

Mu bigo by’amashuri abanza hirya no hino mu Mujyi wa Kigali ubwo hatangizwaga umwaka w’amashuriwa 2022 -2023, ku itariki 26 Nzeri 2022, babyeyi benshi...

Amakuru

Polygon, umuyoboro wa mbere w’urubuga rwa interineti Web3.0 utavogerwa ukoreshwa na bimwe mu bigo bikomeye ku isi birimo Meta, Stripe, Reddit n’ibindi, ndetse na...

Ubuzima

Vingt et un cas d’Ebola ont été signalés en Ouganda, a annoncé ce lundi le ministère de la santé publique. Vendredi dernier, les autorités...

Amakuru

Mu rwego rwo gukuraho urujijo ku bibazo ababyeyi bakomeje kwibaza ku birebana n’ibyo basabwa ku ishuri, Minisiteri y’uburezi yatanze umurongo uhamye w’ibyo umubyeyi asabwa...

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.