Umukinnyi Conor McGregor, ubu ukinira imikino njyarugamba muri Ultimate Fighting Championship (UFC), yatangaje ko yiyumvamo ubushobozi bwo kuba yagura ikipe ya Chelsea.
McGregor yabitangarije ku rubuga rwe rwa Twitter. Ntabwo ari inshuro ya mbere uyu mugabo yifuje kugura ikipe, kubera ko muri Mata 2021, yashyize hanze icyifuzo cyo kugura Manchester United asanzwe afana.
Uyu mugabo atangaje ko yifuza kugura Chelsea, nyuma y’aho Umurusiya Roman Abramovich, ashyize hanze itangazo rivuga ko iyi kipe iri ku isoko.
Igurishwa rya Chelsea ryatangiye kuvugwa mu bitangazamakuru, nyuma y’aho u Burusiya butangije intambara muri Ukraine.
Umubano wa hafi Abramovich afitanye na Leta y’u Burusiya, uri gutuma bwamaganwa n’Ibihugu bitandukanye, birimo n’u Bwongereza; hagacyekwa ko yatinye ingaruka z’ubukungu, zaturuka mu bihano yafatirwa.
UMUBYEYI Nadine Evelyne
