Tombola y’amatsinda ya CAF Champions League ya 2026/2027 yabaye kuri uyu wa Gatatu, tariki ya 28 Ukwakira, i Cairo mu Misiri, amakipe 16 azakina imikino y’amatsinda amenya ayo azahura na yo.
Mu itsinda A, Espérance de Tunis yo muri Tunisia izahura na Petro Atlético na Wiliete SC zo muri Angola, ndetse na FC Nouadhibou yo muri Mauritania.
Itsinda B ririmo Zamalek yo mu Misiri, Young Africans yo muri Tanzania, MC Alger yo muri Algeria na Club Africain yo muri Tunisia.
Itsinda C ririmo RS Berkane yo muri Maroc, Simba SC yo muri Tanzania, Orlando Pirates yo muri Afurika y’Epfo na Colombe Sportive yo muri Cameroon.
Mu itsinda D, Pyramids FC yo mu Misiri izahura na Al Hilal yo muri Sudan, Horoya AC yo muri Guinea na MAS de Fès yo muri Maroc.
Imikino y’amatsinda iteganyijwe gutangira hagati ya tariki ya 27 na 29 Ugushyingo 2026. Amakipe abiri ya mbere muri buri tsinda azabona itike yo gukina ¼ cy’irangiza.
Mu makuru y’ingenzi yaranze iri rushanwa, APR FC yo mu Rwanda ntiyabashije kugera mu matsinda nyuma yo gusezererwa na Zamalek, mu gihe Mamelodi Sundowns yari ifite igikombe giheruka yasezerewe na Wiliete SC yo muri Angola.
