Mu gihe irushanwa ririmo kubera mu Rwanda mu guhatanira itike y’igikombe cy’isi mu mukino wa Cricket rigeze hagati, amakipe ya Kenya na Uganda akomeje kwitwara neza no kwiyongerera amahirwe yo kujya mu ijonjora rya nyuma.
Kenya na Uganda zibigezeho nyuma y’umunsi wa gatatu w’irushanwa, ubwo aya makipe yombi yitwaye neza atsinda abo bahanganye barimo Tanzania n’u Rwanda.
Mu mukino watangije umunsi wa gatatu w’irushanwa ikipe ya Kenya yatsinze Tanzania amanota 119, ibi bihita bihesha Kenya kuba ari yo kipe yonyine itaratsindwa umukino n’umwe muri iri rushanwa.
Ku rundi ruhande ikipe y’u Rwanda ntimerewe neza, kuko yatsinzwe umukino wa gatatu na Uganda ku manota 204 ya Uganda kuri 34 y’u Rwanda. Ibi bihita bishyira u Rwanda ahantu habi kuko n’iyo kipe itaratsinda umukino n’umwe.
Irushanwa rikaba rikomeza Tanzania ihura na Uganda, u Rwanda rwisobanura na Kenya dore ko umukino wa mbere Kenya yari yesuye u Rwanda. Ku wa kane tariki ya 12 Nyakanga 2018, amakipe azaruhuka yongere gukina ku wa gatanu.
Raoul Nshungu
Ikipe ya Kenya ikomeje kwitwara neza
