Inama y’abaminisitiri idasanzwe yo ku wa 28 Mutarama 2020, yayobowe na Perezida wa Repubulika Paul Kagame, mu myanzuro yafashe harimo uwo kwemeza Iteka rya Perezida rizamura mu ntera Abofisiye b’Urwego rw’Igihugu rushinzwe Imfungwa n’Abagororwa. Ariko hanejwe Iteka rya Perezida ryirukana ofisiye muto.
Iyo myanzuro igira iti “Inama y’Abaminisitiri yemeje amateka ya Perezida akurikira: … Iteka rya Perezida rizamura mu ntera Abofisiye Komiseri, Abofisiye bisumbuye n’Abofisiye bato cumi n’umunani (18) b’Urwego rw’Igihugu rushinzwe Imfungwa n’Abagororwa; Iteka rya Perezida ryirukana Ofisiye muto w’Urwego rw’Igihugu rushinzwe Imfungwa n’Abagororwa.”
Nk’uko tubikesha urubuga rwa Twitter rwa RCS, abazamuwe mu ntera barimo uwari CSP Salim Mugisha wagizwe ACP; SSP Therese Kubwimana wagizwe CSP, ba SP batanu bagizwe SSP, CIP umwe yagizwe SP, AIP 10 bahawe ipeti rya IP, na ba su ofisiye 74 ku mapeti atandukanye.
Rwanyange Rene Anthere
