Connect with us

Hi, what are you looking for?

Amakuru

Abaforomo barasabwa kurwanya abiyitirira umwuga wabo bakabateza ibibazo

Inama y’Igihugu n’Abaforomo n’Ababyaza mu Rwanda (NCNM), ubwo yizihizaga umunsi wahariwe abaforomo n’ababyaza basabwe kwirinda abiyitirira umwuga wabo, bagateza abarwayi ibibazo birimo ubumuga buhoraho ndetse n’urupfu.

NCNM yizihiza uyu munsi ifatanya n’Inama mpuzamahanga y’Abaforomo n’Ababyaza (ICN), bakizihiza isabukuru y’amavuko y’Umutaliyanikazi wapfuye witwaga Florence Nightingale wabayeho mu myaka ya 1820-1910, akaba ashimirwa kuba yaragize uruhare rukomeye mu kubaka umwuga w’ubuforomo ku Isi.

NCNM ivuga ko na yo yizihiza uyu munsi igamije kwiyibutsa Itegeko riyishyiraho ryo mu 2008, hagamijwe gutunganya uwo mwuga, hitawe ku kurinda icyahungabanya ubuzima bw’abaturage, giturutse ku mikorere y’abaforomo n’ababyaza.

Umunyamabanga Mukuru wa NCNM, Innocent Kagabo, avuga ko mu rwego rwo kurinda abaturage n’icyubahiro cy’umwuga wabo, abaforomo n’ababyaza basabwa kuba barize neza ibijyanye n’ubuforomo, ndetse n’ibinyabuzima n’ubutabire mu mashuri yisumbuye na Kaminuza, ariko hakaba n’impushya bagomba guhabwa zemeza ko ubuforomo burimo gukorwa kinyamwuga.

Kagabo avuga ko hari abantu batanyura muri izo nzira ubu barimo guteza ibibazo abagana serivisi z’ubuvuzi.

Yagize ati “Iyo uri umuforomo cyangwa umubyaza utarakurikiye neza amasomo, no mu gufasha umurwayi usanga biteza ingaruka. Ntanze nk’urugero, niba utarize neza ukaba utarakurikiye neza ibijyanye no gutera urushinge, ni ho hahandi usanga urutera umuntu ukamuteza ibibyimba n’ubumuga”.

Kagabo avuga ko hari abantu barimo kwambara amataburiye y’umweru (imyambaro yabugenewe) bavanye aho babagira amatungo cyangwa ayo bakuye ku barimu mu mashuri, ubundi bakinjira mu buforomo nta bumenyi bahawe.

Avuga ko hari imyambaro mishya barimo gutegura kwambika abaforomo mu rwego rwo kubatandukanya n’abandi bose biyitirira uwo mwuga, ariko ko n’umuntu wese ufatwa akora ubuforomo atabifitiye ibyangombwa ngo ahita ahagarikwa, kandi agakurikiranwa n’inzego zibifitiye ububasha.

Kugeza ubu mu Rwanda abaforomo babyemerewe baragera ku 12,350 aho buri muforomo yita nibura ku baturage 1,200 mu gihugu.

NCNM ivuga ko ifite intego y’uko mu mwaka wa 2024 izaba yongereye abakora kinyamwuga, ku buryo buri muforomo azaba yita ku barwayi batarenga nibura 800.

Uyu mwaka NCNM yihaye insanganyamatsiko igira iti: “Abaforomo: Ijwi riyobora-Shora mu mwuga w’ubuforomo wubahiriza uburengenzira bw’abawukora, ubungabunge ubuzima bw’abatuye Isi”.

Munezero Jeanne d’Arc

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.