Connect with us

Hi, what are you looking for?

Amakuru

Abanyeshuri bo muri UTB bavuga ko bafitiye umwenda munini Inkotanyi

Abanyeshuri bo muri Kaminuza y’ubukerarugendo, ikoranabuhanga n’amahoteri (UTB) bavuga ko bafite inshingano yo gukunda igihugu no gukomeza guhesha ishema ababohoye u Rwanda, kandi ko bafitiye umwenda munini inkotanyi, bagomba guharanira ko igihugu kitazasubira mu icuraburindi rya Jenoside yakorewe Abatutsi.

Ibi byagarutsweho ubwo abakozi n’abanyeshuri bahabwaga ibiganiro ku mateka y’urugamba rwo kubohora u Rwanda, mu rwego rwo kwizihiza umunsi wo Kwibohora ku nshuro ya 28.

Bamwe muri aba banyeshuri nyuma yo gusobanurirwa amateka y’u Rwanda, bavuze ko bumva neza agaciro k’Inkotanyi zabohoye u Rwanda ndetse banavuga ko ubu bafitiye umwenda munini igihugu wo guharanira ko kitazasubira mu icuraburindi rya Jenoside yakorewe Abatutsi, ahubwo ko bagiye gukomeza guharanira ko isura nziza y’u Rwanda yahora igaragarira buri wese.

Dukunde Janet, yagize ati “Kwibohora kuri njyewe bisobanuye ikintu kinini. Icya mbere ni ukwigobotora ingoyi y’umwanzi, bigasobanura gushakisha icyatuma urinda amahoro ahari”

Ngaruyingabo Gildas ati “Kuba turi muri kaminuza tubikesha ingabo za RPF zabohoye igihugu, kuko mbere bitari byoroshye kuba wakwiga ariko ubu twabigezeho. Ni amahirwe no kuba turi mu gihugu gifite umutekano, tubifata nk’ibintu bidasanzwe ku buzima bwacu ndetse nk’urubyiruko twumva ari amahirwe kuri twebwe.”

Sheikh Abdul Karim Harerimana ni inararibonye mu bya Politike, yibukije uru rubyiruko ko aho ruri hose rugomba guharanira ubumwe, kuko igihugu kitabufite gitakaza n’ubwiza bwacyo.

Yagize ati “Ubumwe ni inkingi ya mwamba y’u Rwanda n’igihugu icyo ari cyo cyose, kuko iyo cyamaze kubura ubumwe nta kintu kiba gisigaranye. Ubu rero ni igihe cyo kubibutsa ko twabibayemo, u Rwanda igihe rwabuze ubumwe rwabayeho mu ngorane bigeza n’aho dutakaza abarenga miliyoni kubera kubura ubumwe. Ubu rero bana bacu turabibutsa rero nk’urubyiruko ntimuzate ubumwe bwanyu na rimwe ngo musubire ahantu habi u Rwanda rwabaye.”

Uwashinze akaba na Perezida wa UTB Zurufat Mukarubega, avuga ko kwigisha abakiri bato bataramenya gutandukanya ikiza n’ikibi ari inshingano za buri wese kimwe no kubaraga igihugu cyiza.

Yagize ati “Ninshingano zacu kugira ngo tubahuze gutya nabo bumve ko ari inshingano zabo ni cyo bagomba igihugu ndetse ni cyo kibagomba cyane cyane ko icyo cyibagomba kiba cyakibahaye. Ni ukubigisha n’imibereho myiza cyane ko bo banatangiye babohora igihugu ari nacyo bafite ariko urugamba urubyiruko rugiyeho rwo ruba runafite intwaro yakoreshwa kugira ngo rutsinde urugamba.”

Aba banyeshuri basobanuriwe byimbitse amateka y’urugamba rwo guhagarika Jenoside no kubohora u Rwanda, byatumye 114 muri bo basaba kuba abanyamuryango ba RPF Inkotanyi.

Munezero Jeanne d’Arc

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.