Mu mpera z’icyumweru dusoje ku wa 9 Werurwe 2025, shampiyona y’icyiciro cya mbere mu bagabo yari yakomeje hakinwa imikino yo ku munsi wa 11 na 12.
Mu mikino yabaye, ku wa Gatanu, tariki 7 Werurwe 2025, ikipe ya UGB yatsinze Espoir BBC ku manota 64-62, Tigers BBC itsinda Orion BBC ku manota 81-74 ndetse APR BBC itsinda REG BBC ku manota 64- 61.
Ni mu gihe mu mikino yabaye ku Cyumweru, tariki 9 Werurwe 2025, ikipe ya Orion BBC yatsinze AZOMCO ku manota 87-84, UGB itsinda Tigers BBC ku manota 76-75 ndetse Patriots BBC itsinda Kepler BBC ku manota 84-67.
Nyuma y’umunsi wa 12, APR BBC ikomeje kuyobora urutonde rwa shampiyona by’agateganyo n’amanota 14, ikurikiwe na REG BBC n’amanota 13, UGB ku mwanya wa 3 n’amanota 11, iyanganya na Patriots BBC, Kepler ku mwanya wa 5 n’amanota 10, iyanganya na Tigers BBC, hakaza Orion n’amanota 9, ku mwanya wa 7, Espoir BBC ku mwanya wa 8 n’amanota 8 ndetse AZOMCO iri ku mwanya wa nyuma (9), n’amanota 7.
Patriots BBC ni yo kipe imaze gukina imikino 6 mu gihe andi makipe amaze gukina imikino 7.
Ibi bivuze ko amakipe amaze gukina imikino 7, asigaje umukino umwe ngo asoze imikino ibanza ya shampiyona.
Uko amakipe ahagaze kugeza ubu
Imikino iteganyijwe muri iki cyumweru
Umunsi wa 13, ku wa Gatanu tariki ya 14/03/2025
17:00: AZOMCO BBC VS UGB
19:00: KEPLER BBC VS TIGERS BBC
21:00: PATRIOTS BC VS REG BBC
Umunsi wa 14, ku Cyumweru tariki ya 16 Werurwe 2025
16:00: ORION BBC vs ESPOIR BBC
18:30: APR M BBC vs PATRIOTS BBC
Panorama Sports
