Connect with us

Hi, what are you looking for?

Akarere

Haravugwa agahenge hagati ya FARDC na M23

M23 rebels take position near the town of Mutaho, in eastern Democratic Republic of Congo May 27, 2013. REUTERS/Jonny Hog

Amasezerano y’amahoro ndetse yo guhagarika intambara yatangajwe n’abakuru b’ibihugu byinshi bo muri Afurika y’Iburasirazuba no Hagati mu nama yabereye i Luanda, inyeshyamba za M23 zitari zihagarariwe muri iyi nama, zivuga ko ziha gaciro iki cyemezo.

Mu gihe abaturiye akarere k’Ibiyaga Bigari bateze amaso uko bizakugenda kuri M23 yasabwe gushyira intwaro hasi, amakuru yizewe agera kuri Panorama yemeza ko mu burasirazuba bwa Repubulika Iharanira Demokarasi ya Kongo, ituze ryagarutse, nyuma y’amasaha arenga 24 nyuma yo guhagarika imirwano.

Ku wa gatandatu, 26 Ugushyingo, nta gukozanyaho ku mpande zombi byumvikanye mu duce hafi ya twose twavugwagamo imirwano ubu turarangwa n’ituze.

Imboni ya Panorama iherereye muri Rutshuru yavuze ko hashize iminsi itari mike, amaso yose ari mu karere ka Bwiza, Bambo na Tongo, mu majyaruguru y’uburengerazuba bwa Goma, umurwa mukuru w’akarere, ahavugwaga imirwano myinshi hagati y’inyeshyamba za M23 n’ingabo za FARDC.

Ati “Ku wa gatanu, tariki ya 25 Ugushyingo 2022, umunsi wo guhagarika imirwano, abaturage ba Bwiza bahunze ku bwinshi, imirwano bajya mu mujyi uhegereye wa Kitchanga…”

Akomeza ahamya ko muri ako karere ndetse aka gace kari hafi ya Pariki y’igihugu ya Virunga gafitanye imbibi na Zone ya Masisi kagaragayemo ingendo nyinshi za gisirikare.

Kugeza ubu, imirwano myinshi iherutse kuvugwa yabaye kuva M23 itera FARDC ku ya 20 Ukwakira, mu duce twa Rutshuru.

Inyeshyamba za M23, zigenzura ibirindiro byinshi byaho, harimo Bunagana na Kitagoma, ku mupaka na Uganda.

Amakuru atugeraho kandi yemeza ko aba barwanyi Bafashe kandi uduce twinshi dukorerwamo ibikorwa byagutse by’ubuhinzi n’ubucuruzi nka Rutshuru Zone na Kiwanja.

Abakurikiranira hafi iby’iyi ntambara ibera mu Ntara ya Kivu y’Amajyaruguru, basanga bidashoboka ko inyeshyamba za M23 ziva mu birindiro byazo ku itariki ya 27 Ugushyingo 2022, nk’uko biteganijwe mu masezerano yashyizweho umukono n’abakuru b’ibihugu by’akarere.

Gaston Rwaka

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.